ليکوال : امين وردګ
په دې ورستيو کې د پاکستان په ګډون د اسيا زبرځواکونو (روس او چين) تر منځ غونډه کې د «اسلامي امارت» غورځنګ ته د يوه قوي افغاني ځواک په سترګه وکتل او له ملګرو ملتونو (!؟) څخه یې دا غوښتنه، چې : د طالب مشرانو نومونه دې له تور لېست څخه و ايستل شي ؛ څه پيغام لري ؟
موږ پوهېږو چې ؛ هر (متجاوز کافر) زموږ دښمن دى!
خو دا په دې مانا نه ده، چې موږ بايد له ټولو کفري ممالکو سره اړيکې پرې کړو، ځکه چې داسې کړنه د هغو خلکو کار دى ، څوک چې په دپلوماتيکو اړيکو نه پوهيږي!
زموږ اسلافو چې خلفاءالراشدين وو، هم دا کار نه دى کړى؛ ځکه چې دا کار ناشونى دى؛ سيمه ایيز هېوادونه له يو بل سره ګډې پولې، ګډ عنعنات، ګډ ثقافتونه او متقابلې سوداګرۍ لري؛ نو دا غير ممکنه ده چې مسلمانان دې له غير مسلمانانو سره پولې وتړي او (تګ راتګ) دې پرې کړي، که داسې کار وکړي، نو د شرعي پلوه هم ملامتيږي ځکه چې شرعاً هم موږ مکلف يو، تر څو کفارو ته ورشو او هغوى حق ته راوبولو، نو که موږ يو مخ له هغوى سره روابط پرې کړل، بيا نو څرنګه ورشو.
په هر صورت، راځو اصل مطلب ته !
موږ په پخوا وختونو کې هم له آمريکا سره ښې اړيکې لرلې، البته مخکې د دوى له يرغل څخه، مګر کله چې دوى تيرى وکړ ؛ نو موږ هم هغه زنګ وهلې وسلې پسې را واخيستلې ، کومې وسلې مو چې د پخواني متجاوز شوروي اتحاد نه په (زور) اخيستې وې!
موږ به له امريکا څخه وسلې اخيستلې او شورويان به مو پرې ويشتل؛ اوس هم ممکن همغه کار وکړو، چې د پخواني شوروي له مشرتابه (روسيې) څخه وسلې واخلو او نننۍ متجاوزه آمريکا پرې وولو!
موږ پرون هم سم کار کړى او نن هم غواړو سم کار وکړو؛ خو فرق په نيتونو کې دى چې څوک به دا کار د غلامۍ د پاره وکړي او څوک د خپل هېواد او خاورې د آزادۍ د پاره.
موږ نن د آمريکا سرسخته دښمنان يو، مګر له روس او چين سره ښې اړيکې غواړو، دا نو ولې ؟
دا ځکه چې پروني خلک يو ، پرون مو هم دا کار کړى ؛ د شورويانو سرسخت دښمنان وو ؛ مګر له آمريکا سره به مو د روس د پرځول لپاره اړیکې درلودلې .
موقفونه فرق کوي !
پرون آمريکا پر موږ تېرى نه و کړى او شوروي د تيري په درشل ولاړ و، نن بيا آمريکا د پروني شوروي غوندې يرغل کړى، روسيه او چين متجاوز نه دي!
نو خلاصه د مطلب دا شوه، چې موږ (افغانان) له هېچا سره اړيکې خرابوول نه غواړو !
که نن مو د امريکې د بچيو لاسونه او پښې ور مات کړل، پرون مو دا کار له روسانو سره هم کړى و.
که نن له (روس او چين) سره ښې اړيکې غواړو، سبا چې غربيان له استعمار او استکبار څخه لاس واخلي هم ښې اړيکې ورسره غواړو.
زموږ هدف يوازې د خپل ملک آزادي او خپلواکي او شرعي نظام قائمول دي، نن خپلواک نه ؛ بلکې بلواک يو ؛ ځکه مو وينې جوشيدلې دي .
هو!
که سبا بيا په موږ کې د روس او چين غلامان پيدا شول، موږ به بيا هم ترې بېليږو او د هغوى پر خلاف به د جهاد او قتال اعلان کوو ان شاءالله.
نو آخري خبره مو دا ده ، امريکې ته به دا ښه وي، چې د اشغال نه لاس په سر شي او خپله لکۍ ټوله کړي، که نه نو د پخواني شوروي په برخليک يې اخته بولئ .
