همت کوچی
تل یې سري وې سترګې دواړي لــــــیونیه
یادګــــــــارونو تـــــه دې ژاړي لــــــــیونیه
ته چې کلي نه د چا له لاسه ورک شـــــوې
اوس دې هغــــه خلــــــګ غواړي لیـــونیه
چا د میـــــنې په لارپر یښـــــــودې یوازي
چا دې لاس تاو کــــــــړ له غاړې لـیونیه
دې بېقدرو ته دې اوس قدر معلوم شو
ته چې لاړې ته چې لاړې لیــونیه
د رنګین مازدیــــګري ړنګې ښــــــــکلاوي
شوې په تا پسې ویجاړي لیـــونیه
یو ځل راشـه اې خپـــــــلواکه پــــــسرلیه
کړه ابـــــــادي دغه شــــــــاړي لیـــــــونیه
ستاښایست ته ښایستونه ســــــــلامي کا
ځکـــــه ټول درباندې ویـــاړي لیـــــــونیه
په “کوچــي همت” دې دومره خاطر ګران ده
په غـــــزلو کې دې نغــــــاړي لــــــیونیه
