د الله ياده
محمد رفيق هاشمي
د الله ياده
له زړه څخه مي زنګ لرې کوه د الله ياده
له سترګو مې هم اوښکې څڅوه د الله ياده
دنيا په مخه کړی يم غافل يمه حيران يم
سهار ماښام مې فکر ويښوه د الله ياده
ډوبېږم د ګناه په سمندر کې هله مرسته
کښتۍ شه تر ساحل مې رسوه د الله ياده
په قبر او صراط په سختو لارو مې مزل دی
لا اوس نه شه ملګری راسره د الله ياده
شيطان راته دامونه ګام په ګام دي غوړولي
يواځې مې دښمن ته مه پرېږده د الله ياده
دا لرې فاصلې دې دا بې تا کله لنډېږي
الله ته مې ورو، ورو نېږدې کوه د الله ياده
مېلمه د( هاشمي ) شه درته ډېر زيات خوشالېږي
راځه راځه راځه راځه راځه د الله ياده
