(کابل ټکی کام ۱۵غبرګولی۱۳۹۶) محمدحارث
له اسلام اباد څخه خپرېدونکې ابرزور انګلیسي رسنۍ ادعا کوي چې اجیت دوول د ملي امنیت له سلاکار حنیف اتمر سره په وروستۍ ليدنه کې له اتمر څخه غوښتي چې له هند هیواد څخه دې د پوځ مرسته طلب کړي. دا په داسې حال کې ده چې د افغانستان د ملي امنیت سلاکار حنیف اتمر څو ورځې وړاندې په مسکو کې له خپل هندي سیال سره لیده کاته کړي وو.
پاکستاني رسنۍ همدا راز وایي چې وروستیو ناامنیو او پېښو ته په کتو کېدای شي چې اجیت دوول په نیږدو راتلونکو ورځو کې افغانستان ته ولاړ شي او هلته رسماً افغان حکومت ته د هندي پوځیانو د لېږلو وړاندیز وکړي.
د سرچینو له مخې څه موده وړاندې یو هندي کارپوه “کانوال”
چې د هندي پوځیانو سره نږدې اړیکې لري واشنګټن ته د یو سفر پر مهال کوښښ کاوو چې د امریکا ولسمشر ډونالډټرمپ دېته وهڅوي تر څو هند ته په افغانستان کې رسماً د ګډون کولو اجازه ورکړي.
هېره دې نه وي چې تر اوسه د افغانستان حکومت په دې اړه څه نه دي ویلي. او نه دا معلومه ده چې د افغان حکومت له خوا به د هند دا وړاندیز ومنل شي او که نه.
