جمال مزمل
د ژوند ټول ښه او بد د مقدر له لورې رامنځه کیږي که د یو چا په اړه نه ستړي کیدونکې تبلیغات هم ترسره شي خو په نتیجه کې به یې بیاهم هغه څه رامنځته کیږي چې الله جل جلاله لیکلي وي>
په افغانستان کې د امریکا له یرغل سره سم مذهبي شخصیتونو او جهادي رهبرانو پخپلو عقیدو کې یو داسې تحول رامنځته کړ چې د ملت د ګمراهې او د نړیوال کفر د خوښې پیغام یې له ځاننه سره درلود، د غرب په سټیجونو باندې یې د خپلو شیطاني ژبو په ذریعه ډالري فتواوې صادري کړلې.
حقیقت دا دی کله چې په یوه انسان باندې د نفس هوا غالبه شي بیا ورڅخه شیطاني اعمال ترسره کیږي چې په کنټرول کې راوستل یې بیا دده له وسه پورته خبره وي.
په اوس حالت کې د غرب په دسترخوان راټول شوي پروني جهادي مشران (استاد سیاف، استاد رباني، مجددي، کشاف، پیر ګیلاني) او اوس راغلې حکمتیارصاحب د امریکا په خلاف د روان جهاد په اړه بې رنګه او خندونکي تحلیلونه کوي، غواړي چې د دې حقي مبارزي دوام په بل رنګ تعبیر کړي چې په ټوله کې د ولس د تیرویستنې رنګ له ځاننه سره لري.
داسې وایې: د امریکا په مقابل کې جګړه (جهاد) ځکه پر مخ ځي چې پردي ځامن مري، نه د مشرانو ځامن.
دوی ددې لپاره داسې څرګندونې کوي چې تر څو پخپلو شیطاني جملو باندې د غیور ولس ذهنیت خپل لورې ته راوګرځوي او له حقایقو یې لرې وساتي،راځی چې یو سپین قضاوت د دوې د شیطاني تبلیغاتو په مقابل کې وکړو.
که د روس په مقابل کې د رهبرانو شعارونو او بیا کارنامو ته ځیر شو نو بیله نفرتونو بله زیږنده نلري، دوې د اسلام زنده باد نعری دومره بدرګه کولې چې ځمکه او اسمان به یې لړزوه خو په پای کې يې آن پخپلو کورونو کې هم اسلام عملي نکړ بلکې د اسلام مخالف کړنې به د دوې له کورونو څخه څرګندیدلې، په حقیقت کې د دوې قبیح نیتونه ول چې افغانانو ته یې یوه داسې بدمرغي وزیږوله چې تر ننه پکې مظلوم افغانان د اور خوراک دي.
دا چې روس پکې مرده باد شو دا د مجاهد ولس حسن نیت او خلوص وو چې شوروي یې مرده باد کړ او پخپلو پاکو وینو یې مونږ ته ازادي راوبښله، خو بدبختانه چې د پردیو استخباراتو په غیږ کې غورځیدلو رهبرانو د ازادي د لمانځلو پر ځای یې یو بل داسې تور طوفان له ځاننه سره راوړ چې ستر امیدونه او هیلې یې له خاورو سره خاورې کړلي د شهید د مور لوپټه یې څیرې او د یتیم اوښکه یې په وینو بدله کړله.
دلته پوښتنه دا ده، چې ایا د روس د اشغال په مقابل کې د کوم جهادي رهبر ځوې د هیواد سنګرونو ته د ایمان ښودني پل پورته کړی دې؟ او یا یې مجاهد ولس په څیر کوم بچي د قربانې مقام تر لاسه کړی دی؟ نو ویلی شو چې د دوې دغسې ناقصې څرګندونې بې منطقه او غیر معقولي دي.
بلکې هر څه څرګند شول چې ټولو پخواني جهادي مشرانو د ملت په پاکو ایثارونو نه هیریدونکې لوبې وکړلې،هر یوه خپل ځامن په لوکسو لانکوزرنو، شاهانه محلونو، په نړیوالو او خارجي پوهنتونو ونازول او خپلو رشتدارانو ته یې د هیواد د ملي شتمنیو د چورولو دنده وسپارله، چا خپلو اولادنو ته د ماډرن لباسونو تربیه ورکرله، چا د غرب په سټیجونو د فتواوو بازار ګرم کړې دی او چا د غرب غیږې ته خپل اولادنه د احمقو څرګندونو لپاره راوستل چې مذهب یې د غربي سیاست ښکار کړ.
دوې په شیطاني لباسونو باندې دا ملت تل په سپینو شعارونو تیر ویستلې، بیله دردونو او د وینو تویدنو څخه یې دې غیور ولس ته نور هیڅ ندې ورکړې، دوې ریښتیا وایې چې پردي ځامن مري ځکه یې د کابل په وژلو کې د قدرت په خاطر د جګړې ادامه غوښتله ځکه چې ځامن پردي ول او درد پردی و.
خو د امریکا د اشغال په مقابل کې دا جګړه یواځې پردې ځامن نه بلکې د مشرانو ځامن یې هم تر څنګ د قربانې مقام تر لاسه کوي چې د دې ملت لپاره یې یو ژوندې تاریخ پریښود.
د طالبانو تحریک بنسټ ایښودونکي ملامحمدعمر مجاهد رحمه الله د کورنۍ غړي پکې د شهادت لوړ مقامونه تر لاسه کړي، طالبانو رهبر ملامنصور تقبله الله چې رهبر د ستړي مزل او سالار د یو ارمانجن هدف وو هغه هم په هغه لاره قرباني شو چې د نورو ځامن پرې ځي، شیخ هیبت الله اخوند اولادونه پخپله د جهاد په سنګرونو کې پراته دي او د شهادت تمنا کوي.
مولوي جلال الدین حقاني چې د صحابي یاسر (رضی الله عنه) تاریخ یې راتازه کړ او خپله کورنۍ یې د شهادت لپاره وقف کړیده خپل څلور ځامن یې د الله جل جلاله په لاره کې قرباني کړل او یو نازولې ځوی یې د وحشت په پنجرو کې د الله جل جلاله رضا حاصلوي او د شهادت لړۍ یې لا هم ادامه لري. او همداسې نور په لسګونه مشران یې د کفر او د طاغوت په قفسونو کې د رب لایزال رضا د حاصلولو لپاره شپې سبا کوي او هم یې کورنۍ د غربت په حال کې او هم په ویجاړو کورنو کې د ژوند سختې لمحې تیروي، چې همدا د مشرانو حسن نیت وي چې مونږه یوې ریښتیني ازادې ته رسوي، د تیر او اوسني جهاد تر ټولو لوې توپیر د مشرانو په اخلاص کې دی.
ستاسو مکرجنې او له جذبه ډکې څرګندونې هیڅکله تاریخ ته زیان نشي رسولې، ځکه چې تاریخ هغه څه دې چې دمیږې اداب او احترام یې هم خپلو صفحو ته ټکې په ټکې رسولې، د منافقینو تاریخ له تاسو څخه ندی شروع بلکې ۱۴۰۰کاله پخوا تاریخ مونږ ته ستاسو په څیر د منافقینو له فریبه ډکو څرګندونو څخه د ځان ژغورنې خبرداری راکړې.
تاریخ به ضرور یو بل داسې سپین قضاوت د ټولو انسانانو تر مخ کیږدي لکه د خلقیانو او پرچمیانو د غلامې بدنام تاریخ یې چې د ولس تر مخ کیښود ،ستاسو دغه له فریبه ډکې څرګندونې به هیڅکله دغه پاکه او مقدسه مبارزه ناکامه نکړې بلکې مبارزه به لا پیاوړې او د کامیابې تر منزله به یې ورسوي،
بیا به هلته ستاسو دغه پرديپالې او له فریبه ډکې خبرې چې د جذب په خاطر کیدلې د رسوائې او ذلالت په معنا راڅرګندې شي
د عنتره دغه شعر څومره پر ځای دی:
ترجمه: که خلک راته یو تور پوستي غلام وایې، نو څه وشول؟ زه په خوي سپین او د کارنامو له لحاظه دقوم سردار یم.
