لاروى
دمخه مو ويلي وو چې چين د لمر څخه قوت اخیستونکې ستره الوتکه جوړه کړې ده او زيات شمېر مسافر پکې له يوې سيمې بلې سيمې ته انتقالولاى شي؛ اوس مو له دې خبروو چې چين د لمر څخه په استفاده يو بم غورځوونکې الوتکه جوړه کړې ده او په مياشتو مياشتو په هوا کې خپل وخت سره د بمونو تېرولاى شي، د دې الوتکې جوړښت له نورو الوتکو توپير لري چې د الوتکې پر شا د لمر څخه د قوت اخیستلو ښيښې نصب کړل شوې دي.
دا بم غورځوونکې يا ډرون د لمر بريـښنايي الوتکه دوه ويشت زره متره لوړه الوتنه کولای شي. د چين ساسنسدانانو دې الوتکې ته د سي، ايچ، ټې څلور نوم ورکړی دى. دا الوتکه يو بل خاصيت هم لري چې د نورو ډرون الوتکو په نسبت یې غږ ډير کم دی او ان دا چې په هوا کې یې په اسانۍ سره څوک غږ نه شي اوريدلاى.
دا د چينايي ساينسدانانو لخوا جوړه شوې الوتکه دوه برخې لري، په پاسنۍ برخه کې یې يواځې له لمر څخه قوت اخیستونکې ښيښې نصب دي او په لاندينۍ برخه کې یې د نوي دور هغه ساينسي الات کوم چې د يوه بې انسانه يا بې پيلوټه الوتکې لپاره اړتيا لري.
د دې چنيايي لمريزې جوړې الوتکي يو وزر څلويښت متره اوږدوالی لري، چې د بوينګ الوتکې څخه یې د وزر اوږدوالى زيات دى؛ اما د وزر وزن یې د بوينګ الوتکې په نسبت څو چنده کم ښوول شوی دى.
دا (سي، ايچ ،ټي څلور) الوتکه له ناساکي هيليوس له الوتکي څو چنده کم وزنه ده، چې د اړتيا په صورت کې د هغې برابر يعني دېرش زره متره پورې د الوت توان لري. چينايي ساينسپوهانو ويلي دي چې د دې الوتکې ټول وزن تر ٨٠٠ پونډو پورې رسيږي او دانسان له مداخلې پرته په مياشتو مياشتو د کمپیوټر په وسيله ورکړل شوې ماموريت پای ته رسولاى شي. د چينايي ساينسپوهانو په وينا دا ډول الوتکې په نظامي ډګر کې د جاسوسۍ ښه رول لوبولاى شي.
