تاریخ تکرار شو

ژباړه : روحاني
په هغه ورځ چې هولاکو بغداد ته ننوت، نو دیني عالمان، سوداګر، او قاضیان یې ووژل، خپل لښکر ته یی وویل چې مستعصم ژوندی پریږدئ څو خپلې خزانې راوښیې.
مستعصم ورسره ولاړ، او خپل ټول پټ کړي سره او سپین زر، او خپل ټول قیمتي سامان یې که د قصر دننه وو او که د باندې وروښودل، ځینې یې په داسې ځای کې وو که معتصم نه وی نو مغولو نه شوای پیدا کولی، آن تر دې چې د مطمور کانال چې له کنګل شویو سرو زرو نه ډک و او هیچاته یی هم په اړه معلومات نه وو وروښودل.
هولاکو ورته وویل: که دا دومره مال دې خپلو لښکرو ته ورکړی وای نو هغوی به ته له ما نه ژغورلی وای.
مستعصم د خپلو زیرمو او مالونو د لاسته وتلو باندې ونه ژړل خو هغه مهال یې وژړل چې چې هولاکو دهغه وینزو ته چې نږدې ۷۰۰ وینزې وې او ۱۰۰ خدمتګارانې وې وروړاندې شو، د مسلمانانو خلیفه مستعصم هولاکو ته ډیرې زارۍ وکړې او ورته یی وویل چې پر ما باندې زما د حرم او زما میرمنو په اړه چې تر اوسه ورباندې لمر او سپوږمۍ رڼا نه ده لږیدلې احسان وکړه.
هولاکو د مستعصم په دې خبره په خندا شو، امر یې وکړ چې په بوجۍ کې یی بند کړي او عسکر دې یې تر هغې په لغتو ووهي چې ساه یې وخیژي.
تاریخ پوهان وایی هغه مالونه چې بني عباسو په پنځه پیړیو کې جمع کړي وو هولاکو ورڅخه په یوه شپه کې واخیستل.
تاریخ پوهان به نن دا هم ووایی چې هغه مالونه چې د سعودي ملت ته د پنځه پیړیو لپاره کفایت کاوه ټرمپ ورڅخه په یوه شپه واخیستل.
که چیرته سعودی دغه مالونه په ښوونه، او علمي پلټنو او د ګاونډیانو په مرسته لګولی وای نو تر ټولو غښتلی هیواد به و.
نو ویلای شو چې دا یو تاریخ و چې تکرار شو.