سرلیکنه
امریکا چي پنځه کاله ېې په افغانستان کې د خپلواوناتود پوځونوژباړونکو ویزې ځنډولې وې اوس ېې ورته په دې خاطر ویزې ورکړې چې په افغانستان کې دامریکا په یارانو ورځ په ورځ مځکه راتنګیږي او لکه د روسانود غلامانو(کمونستانو)ېې په خپل هیواد کې د پښې ایښودلو ځاې اوباور نه دی ورپاتی.
هغه کسان چې اوس ورته امریکا ویزې ورکړي په تیرو پنځلسوکالو کې ېې دامریکا هرډول غلامۍ ته غاړه ایښې وه د افغانانوپرکورونوچې شپني عملیات امریکایانو کول دوۍ ېې جاسوسی، ترجماني، دلالي،اودافغانانو په حیا اوغزت څو ډالرو په قیمت سوداګري کوله خو په عام ډول سره به د بهرنیوپوځونوترجمان بلل کیدل.
دافغانستان خاوره ډیره پاکه،مقدسه،اوغیرتي خاوره ده خوټول بچیان ېې غیرتي اود پاک نظر خاوندان پاتې نه شول موږ دا منو چې دا د ترجمانانو په نامه امریکایی اوبهرنیوپوځونوباندی دافغانانو عزت پلورونکي دغیرتي افغاني نیکونوبچیان دي خو هغه خپل دنیکونوحیا،عزت اوغیرت پکې پردیوسره په دوستۍ اویارانه کې پاتې نه شو.
کوم افغانان چې له خپلې خاورې یا د خپل هېواد له سینې بهرلوې شویدي هغه چې په هرهېواد کې وي د افغاني کلتوره لرې پاتې اود پردیوپه کلتورکې په پردیوذهنونوکې را لوې شي د افغانستان د مقدسې خاورې سره ېې په زړه کې مینه پاتې نه شي ځکه خو په څو روبلو او څوډالرو دافغانستان مقدسه خاوره،ملي ارزښتونه ،ملي کلتور،حیا،غیرت اسلامیت اوافغانیت داهرڅه له لاسه ورکړي .
په افغانستان کې بهرنیواو امریکایی پوځونوته د ژباړونکو په نامه یوشمیر افغان ځوانان هم د تیرو کمونستانوپه څیر نور په خپل وطن کې د پاتې کیدو چانس نه درلود شپه او ورځ سره د کورنیوپه دې انتظارکې وو چې خپل پاتې ژوند هم په اروپايی هېوادونوکې په اروپايي تهذیب کې تیرکړي.
کفري اوغربي هېوادونو تل له مسلمانانو سره همدا ډول لوبې کړیدي له خپل اسلامي ادابواوتهذیب ېې د مسلمانانواولادونه لرې په غربي نهذیب کې رالوې کړي دي چې بیا تراروپايی کلتور اوتهذ یبه هم په بې عزتۍ ،بې حیائې ،اوعیاشۍ کې ور واوړي .
دا اوس چې په امریکا کې دافغاني ژباړونکو په نامه د یوشمیر کسانو تود هرکلی وشو دا ډول هرکلي امریکا د دوۍ په څیر د ډیر غلامانو کړی دی اوباید تود هرکلی ېې وشي ځکه امریکاته د ژباړونکو په نامه یوځوان اعتراف کړی چې پرافغان ولس د امریکا لخوا په پنځوسوو عملیاتوکې ېې دافغانانو د کورونوپه ویجاړولواوشهیدانوولو جاسوسي کړیده ده.
د نورو هېوادونو ځوانان خپل هېواد ته په خدمت ویاړي خوبدبختانه امریکاته د ژباړونکوپه نامه جاسوسانو ویلي چې امریکاته مو په صداقت خپله دنده(جاسوسي)سرته رسولې ده، خو چې دکوم موخو لپاره په امریکا کې دا ځوانان منل شويدي هلته د څه وخت په تیریدو به ېې بیا دا د تود هرکلي ژوند تر واورو هم سوړ شي بیابه له شرمه افغانستان ته خپل جسدونه هم نه شي را وړلای.
پنځوس کاله د مخه د سورېې د پخواني رئیس جمهور حافظ الاسد د حکومت پرمهال هم امریکا ته د ورتلونکو سوریایي ځوانانو تود هرکلی شوی وه، دوه شپیته کاله د مخه دایران د شاهنشاه رضاشاه پهلوي د شاهۍ پرمهال هم امریکا د یوشمیر امریکا ته د ورتلونکو ایراني ځوانانو تود هرکلي کړی وه، همداسي دعراق، مصر،لیبیا،سوډان ، صومالیا او هغو نورو هېوادونو دځوانانو تود هرکلي امریکا کې شویدي چې اوس په یادوهیوادونوکې دافغانستان په شمول دامریکا له لاسه اوربل دي .
