د الرقة ښار له ودانیو لوګی پورته کیږي.
نن سه شنبه یوه کُردي مسؤل کس وویل چی د سوریې دموکراتیک ځواکونه نږدې دي چې د الرقة ښار په جنوبي کلیو باندې پوره ولکه ټینګه کړي، دا ښار تر اوسه د اسلامي دولت تنظیم په لاس کې و، خو دې ته یې هم اشاره کړې چې د داعش لخوا ورسره سخت مقاومت کیږي.
دغه کُردي مسؤل وویل چې یو لږ شمیر سرکونه چې جګړه پکې روانه ده تر اوسه هم د سوریې د دموکراتیکو ځواکونو د مخته تلونکو سرتیرو تر مینځ له ختیځ او لویدیځ لوري اول خط دی.
هغه زیاته کړه چې له دې کبله چې د داعش لخوا ورسره سخته مقابله روانه ده نو نشو ویلای چې کله به مکمله ولکه ټینګه شي، خو دا یی وویل چی د جنوبی کلیو نه نږدی ۹۰٪ خاوره داعش له لاسه ورکړې ده.
اسلامي دولت یا داعش به ډیر زر د جنوبي سیمو ولکه هم له لاسه ورکړی دا هغه سیمه ده چې د الفرات نهر ته تللی ده او د الرقة ښار جنوب ته موقعیت لري.
د امریکا د متحده ایالتونو په مشرۍ نړیوال ائتلاف وایی چې د سوریی دموکراتیک ځواکونه هغه چې د ختیځ لوري نه د پرمختګ په حال کې دي اوس د غرب لوري ته د داعش سرتیرو ته نږدی په دری سوه متره فاصله کی قرار لري.
د ائتلاف ویاند جنرال رایان ډیلون وویل چې د سوریی دموکراتیک ځواکونه چې د امریکا لخوا یې ملاتړ کیږي هره ورځ زیاتې لاسته راوړنې لري.
هغه زیاته کړه چې د سوریی دموکراتیک ځواکونو سرتیرو د الرقة ښار شمال ته په تیرو دوه ورځو کې نږدې لس کیلو متره مربع خاوره د اسلامي دولت له ولکې ویستې ده
د سوریې دموکراتیکو ځواکونو د تیر جون په پیل کې هم یو برید کړی و څو د الرقة ښار د داعش له لاسونو وباسي، د برید سره نورې مرستې او ملاتړ هم وجود درلود څو د عراق د موصل ښار نه خپل سرتیری وباسي چې داعشیان یې له سختې ماتې سره مخ کړل.
د تیر کال په اوږدو کې د سوریی د دموکراتیکو ځواکونو او د سوریی د ګوډاګي رژیم ځواکونو سره په همغګۍ او د روسیی د جنګي الوتکو په ملاتړ او همدا راز د سوریایانو د د حکومت د مخالفینو ځواکونو په مرسته چې ترکیه یې ملاتړ کوي په بریدونو کې له داعش نه په سوریه کې پراخې ځمکې ونیولې.
د الجزیرة نه په مننې
ژباړن: عزیر اسدخیل
