سعودي: په قطیف ښار کې د شیعه وسلوالو په ضد عملیات دوام لري.
(کتبل ټکی کام ۱۳۹۶زمری۱۲ فرید افغان)
وروسته له هغه چې د یمن سره په پوله پروت ښار القطیف کې په سعودي ځواکونو حملې ډیرې شوې د دې هیواد پوځ پریکړه کړې ترڅو د توندلارو شیعه ګانو پرضد سخت عملیات پیل کړي.
سعودي ځواکونو د قطیف ښار په العوامیه ښارګوټي خلکو ته ویلي چې له سیمې څخه دې ووځي ترڅو دوی کلی له وسلوالو تصفیه کړي.
خو وسلوال شیعه ګان بیا د خلکو له وتلو وروسته له سعودي ځواکونو سره په مقاومت لاس پورې کړی چې تر اوسه پورې ګڼه مرګ ژوبله رامنځته شوې ده.
د قطیف ولسوالۍ په العوامیه ښارګوټي کې د شیعه وسلوالو او امنیتي ځواکونو تر منځ نښتې وروسته تر هغه پیل شوي چې د سعودي حکومت د العوامیه ښار ګوټي پخواني کلي په ورانولو لاس پوري کړ، سعودي چارواکي وايي چې په دغه کلي کې شیعه وسلوال پټن ځایونه لري.
راپورونه وایي سعودي چارواکو د کډوالو لپاره په نږدې کلي کې موقت استوګن ځایونه برابر کړي دي
بلخوا د القطیف ښار ولسوال فلاح الخالدي ویلي چې په دمام ښار کې د یو شمیر هوټلونو سره هم خبره شوي تر څو کډوالو ته موقت ځایونه ورکړي.
د امنیتي ځواکونو او وسلوالو تر منځ په نښتو کې تر اوسه ۷ تنه وژل شوي چې ۲ یې پولیس دي.
داپداسې حال کې ده چې تیره ورځ د عراق لوړپوړی شیعه مشر مقتدا الصدر هم د سعودي چارواکو په بلنه ریاض ته سفر کړی ؤ. چې وروسته بیا په یو لړ مالي امتیازاتو هم ونازول شو.
