کابل ټکی کام ۱۷ زمری ۱۳۹۴
لیکنه: هاشمي مؤذن
په افغانستان کې د روسي یرغلګرو وروسته د امریکا او نورو کفري یرغلګرو په وړاندې مقدس جهاد پیل شوی، تر څو افغانستان د یرغلګرو څخه آزاد او پکې خپلواک اسلامي نظام جوړ شي پر خلاف یې د موجوده ادارې چارواکي او نور ترې چاپېره کړي په دې تشویش کې دي چې په افغانستان کې به د اسلامي نظام په نفاذ ددوی ګټې د لاسه ووځي.
تېره ورځ د کابل ادارې ارګ ته رسول شوی مشر اشرف غني د تش په نامه علماوو او قومي مشرانو یوې غونډې ته وویل: د ملا عمر په نه شتون کې څوک افغانان ورور او مسلمان وژنې ته سوق کړي؟
د دې سوال ځواب د غونډې یوه برخوال هم غني ته ورنکړای شوای او تر پایه بېچاره غني د خپل سوال ځواب پیدا نشوای کړای، شاید دې بېسواده ته دده په شان بېسوادان ناست وو.
کله چې دا خبر زما کشر ورور ولید، هغه سمدلاسه ځواب کړ.
«مونږ خو ته نه یې چې د بنده عبادت دې وکړو، اوباما او بش ته دې سجدې ولګوو. مونږ په توحید عقیده لرو. مونږ پخوا د امیرالمومنین (رح) په امامت کې د جهاد عبادت د یګانه الله لپاره کاوه، او اوس د هغه د ځای ناستي (امیرالمومنین ملا اختر محمد منصور) په امامت کې د جهاد عبادت کوو.»
خو که اشرف غني خپله ژور فکر وکړي د دې سوال ځواب ورته خپله حل دی اوکه په دې اړه له ځانه وپوښتي چې چا په افغانستان کې د اسلامي نظام مخې نیولو ته سوق کړی دی؟ بیا هم سوال خپله ځواب دی.
ځواب به یې دا وي چې د افغانستان په پاکه او مقدسه خاوره پردیو وحشیانو یرغل وکړ، د اسلامي اصولو او اسلامیاتو په رڼا کې پر هر مسلمان فرض دی چې د کفري هېوادونو د یرغل ځواب ووایي.
د «ملا عمر» په نه شتون کې افغانان خپل د اسلام مقدس دین او افغانیت دېته سوق کړي دي چې د یرغلګرو د خاتمې پورې خپل مقدس جهاد ته دوام ورکړي.
دا چې د اشرف غني اداره د امریکایي او کفري هېوادونو د پوځونو په ملاتړ او حمایت سره ولاړه ده نو ضروري ده چې د یرغلګرو سره کوم عمل کیږي دا به د دوی د غلامې ادارې د پلویانو سره کیږي.
غني صاحب! دومره پوښتنه له تا څخه کوم چې ته یا تاسې چا سوق کړي یاست چې په افغانستان کې د اسلامي نظام د نفاذ مخه نیسئ؟
چا دې ته مجبور کړي یاست چې د افغان ولس په کورونو بمبار وکړئ؟
چا دې ته مجبور کړي یاست چې د افغان ولس پر جنازو دې بمبار کیږي او ستاسې خولې دې ګنډلي وي؟
چا دې ته مجبور کړي یاست چې په فاریاب کې د عامو خلکو کورونو ته اور اچوی او هغوی بې چاره قتل عام کړی؟
چا دې ته مجبور کړی چې په باګرام کې دې افغانان بې عزته او بې عفته کیږي تاسې چوپتیا اختیار کړې ده؟
چا دې ته مجبور کړي یاست چې اسلامیت او افغانیت مو دواړه پرې اېښي دي؟
او چا دې ته مجبور کړي یاست چې په افغانستان کې پردي ظالم لښکر ته د نا امنۍ غزولو لپاره د رسمي تړون تر نامه لاندې د پاتې کېدو حق ورکړئ؟
پوښتنې ډېرې دي خو ګمان کوم غني صاحب په اوسني شرایطو کې به تاسې د یوې پوښتنې ځواب هم ونه ویلای شی، او تر تا چاپېر کسانو ماسېوا که هر بل ازاد افغان وپوښتې ستا ځواب به وویلای شي.
زه دومره وایم چې ستا دا پوښتنه د هر افغان سره شته چې دا غلامان ولې دومره بې ضمیره دي چې د امریکا سره د افغانانو د وژنې په سر معاملې کوي، ولې دې جنګ ته د پای ټکی نه ږدي.
په افغانستان کې چې کومه وېنه توییږي؛ ستا په خوله ورور وژنه روانه ده، د دې ټولو کړنو مسئولیت ستاسې د ادارې پر غاړه دی که لږ څه اسلامیت او افغانیت ته ژور فکر وکړې خپله به پوه شې چې زه چا دې کړنو ته سو ق کړی یم، ان شاءالله که خپل عمل ته نظر وکړې، د اسلامیت او افغانیت له مخې قضاوت وکړې خپله پوښتنه به خپله ځواب کړې.
– See more at: https://kabull.com/Maqalay_Details.php?maqala_details=26#sthash.dfb5XLTM.dpuf
