(کابل ټکی کام ۱۳۹۶ وږی ۸ فرید افغان)
راپورونه وایي چې د ولسمشر غني میرمنې له خپلو واکونو څخه په استفادې سره خپلو لبناني خپلوانو ته اوه ۷ پروژې چې سلګونه میلونه دالر ارزښت لري، ورکړې دي.
ویل کیږي چې نوموړې دخپل خاوند اشرف غني په مشوره د خطیب عالمي شرکت ته دغه قراردادونه چې ارزښت یې تر نیم ملیارد ډالر لوړ دی ورکړي دي.
ویل کیږي دې شرکت د رولا غني د ورور ریاض سعادت په همکارۍ افغانستان کې د پانګونې موقع ترلاسه کړې.
د دې شرکت مرکز په بیروت کې ده او دا ۷ اوو واړه قراردادونه یې له دا وطلبۍ پرته تر لاسه کړي دي.
د فواید عامي وزارت هم منلې ده چې دغه شرکت د سرکونو د جوړولو قرار دادونه تر لاسه کړي دي.
د وزارت په وینا دا شرکت په افغانستان کې کاري مخینه نلري او دوی ورسره کاملا نا اشنا دي.
بلخوا د کابل ښاروالۍ چارواکو رسنیو ته ویلي چې د اشرف غني په فشار، او باربار غوښتنه یې د کابل د کارتي سخي سرک جوړولو چاري هم یاد شرکت ته سپارلي دي.
دا لمړی ځل ندی چې یو بهرنی شرکت دې له داو طلبي پرته پروژې تر لاسه کوي بلکه ترې وړاندې هم په ځلونو ورته چارې د واسطو او زور خاوندانو ترسره کړې، چې له همدې امله شرکتونو یواځې خپلې ګټې په نظر کې نیولې او د سرکونو او نورو پروژو کیفیت ته هیڅ توجه نده شوې.
همدا لامل دی چې د کال په تیریدو سره سرکونه پلونه او نورې ورته رغنیزې پروژې یې کنډ کپر او لمنځه ولاړې شي.
تر اوسه ارګ او د رولا غني د فتر پدې اړوند کوم وضاحت ندی ورکړی
