روڼ اندو ته که ړوند اندو ته

په ۱۷۶۰ م کال چې کله هندي نیمه قاره کې د مرهټیانو لخوا په مسلمانانو ظلمونه زیاد شول ، نو نجیب دوله او شجاع دوله ( ځایې حاکمانو) د سترعالم شاه ولی الله رحمه الله په وسیله له ابدالي احد شاه بابا څخه وغوښتل چې د مسلمانانو د نجات لپاره هند ته ورشي ، نو هماغه و چې دغه افغان بابا د مرهټیانو دوه څلوېښت زره پوځ ته په ( پاني پت) کې ماتې ورکولو سره نه یوازې دا چې مسلمانان له ظلمونو وژغورل او پدې کار سره یې د عباسي خلیفه معتصم باالله هغه تاریخ تازه کړ ؛ چې د صلیبي لښکرو لخوا د یوې مسلمانې میرمنې په بندي کولو سره د هغې د ( وامعتصماه ) چېغې ته یې لبیک ویلې و او هم یې هلته خپله واکمني ټینګه کړه .
نو نن که د ابدالي اولاد خپل تاریخ د مکارې امریکا د توطیو په نتیجه کې نه شی تازه کولی او څوک یې د هیواد ګټلو او څوک یې د اسلام ګټلو په یوه داسې جګړه کې ښکیل دي ، چې دوام یې د امریکا او ګاونډیانو په ګټه دی او ورسره ځینې په ښکنځل نامو ( دشنامنامو) کې پهلوانې ، خپل کمال ګڼي ؛ نو د برما د مظلوم ولس غږ به د اسلامي امت د افنخار وړ ولسمشر (طیب اردوغان ) غوږونو ته ورسوو . او پدې باور لرم چې دغه شخصیت به ډېر ژر د اسلامي نړۍ ویده واکمنان د اسلامي کنفرانس او نړیوال ضمیر د ملګرو ملتونو له لیارې راوېښ کړي .
دلته د هیواد ځینو اسلامپالو او ځینو روڼ اندو ؟ ته هم وایم چې : د غازي امان الله خان یاد ، له ابدالي او غازي محمد اکبر خان له یادونو پرته نیمګړی دی او نه د امیر حبیب الله کلکانی یادونه تازه کول ، کوم حکمت او دوخت غو ښتنه ده ؛ نر هغه دی چې د وامعتصماه او یا ابدالي یاد تازه کړي او یا هم له امریکایانو سره د غازي محمد اکبر خان ، او … یادونه تازه کړي .