ډاکټر آصف
دا چې ننګرهار د افغانستان د لومړۍ درجې ولایاتو څخه ګڼل کیږي او تل یې شعار د سولې کور یاد شوی او ښکلا یې د ګلونو هار او همیشه بهار یادیږي، خو له هغې ورځې چې پر دغه ښکلي ولایت د دموکراسۍ تورې وریځې را خپرې شوې او په ننګرهار کې مافیایي کړيو او فرصت طلبه وحشي صفته انسانانو دغه تورې وریځې او د موکراسۍ د آزادۍ شعارونه د ځانونو لپاره زرین فرضت وګاڼه نو یې سره لاسونه یو کړل او د مظلوم، کړیدلي، جنګ ځپلي ملت او پرګنو په تروړلو، وژلو یې لاس پورې کړ، دغه مافیایی کړئ چې ویل کیږي ټول ټال پنځه کسان او ډلې دي چې ننګرهار یې په خپلو مینځو کې د قربانۍ د مال په څیر په پنځو برخو ویشلی، هر یو یې د خپلې پنځمې برخې پر سیمه کې یې د خلکو ژوند تریخ کړی.
هره ورځ هدفي وژنې تر سره کیږي، اختطافاتونه ښه په درز کې روان دي، فساد او اختلاس خپلې وروستۍ درجې ته رسیدلی، مظلوم غوښې داسې خوړل کیږي لکه په یوه ځنګل کې چې زمریان او لیوان د کمزورو حیواناتو غوښې خوري.
سره له دې چې د دموکراسي نظام حاکم دی، حکومت شته دولت شته او ښه په برندو برندو ګوري او دا حالت ویني، د ننګرهار پخواني والي په څرګنده اعتراف کوي چې کله هم د دغو پنځو مافیایی کړیو کوم کس د کوم جرم په ګناه ونیسي نو مخکې له دې چې د قانون منګولو ته وسپارل شي همدغه پنځه مافیایی مشران یې د خلاصي لپاره والي ته راځي او د زور او تهدید له لارې یې د قانون له منګولو ژغوري.
مخکې د ننګرهار پخوانی والي عطاء الله لودین د همدغو سختو مشکلاتو له کبله له خپلې دندې استعفا ورکړه، خو ولسمشر پر ځای د دې چې د هغه د استعفا لامل معلوم کړي او هغه علل او باعث له مینځه یوسي چې عطاء الله لودین یې استعفا ته اړ کړ، برعکس بل والي استوي او د قدرت په ګدۍ یې کینوي.
اوس خبره دې ته رسیدلي چې د ننګرهار ولسونه یې راپاڅولي او په یوه لوی خوځښت یې دا پاڅون بدل کړی، ټول ننګرهاریان په کلکه غوښتنه لري چې ننګرهار له دغو پنځو مافیایی ککریو وژغوري.
دغه پنځه مافیایی کرغړینې ککرۍ داسې هم نه دې چې ناوړه اعمال یې له چا پټ وي، د ټولو شوم فعالیتونه هم خلکو او هم حکومت ته د لمر په څیر څرګند دي، خو دا چې ککرۍ زوروې دي نو د عطا نور په شان یې حکومت په وړاندې اقدام څه چې عبرګون قدرې هم نه ښۍ.
ویل کیږي چې دغه پنځه مافیایی ککرۍ لومړی د خوګیاڼو د پخواني پاټکی حاجی زمان غمشریک زوي جاوید زمان، دوهم د چپرهار د استاد سیاف پخوانی تالي څټي فضل هادي مسلم یار، دریم د جلال آباد تروړونکی ګل مراد عرب، څلورم د دره نور د پخواني پاټکی حاجی حضرت علی شاړی زوی احمدعلي حضرت، او پنځم د پخواني پاټکي حاجی قدیر زوی حصارک جبارخیلی سرخرودی حاجی ظاهر قدیر دی.
د دې مافیا مشري فضل هادی مسلمیار کوي او معاون یې حاجی ظاهر دی او پاتې نور یې د دې کړۍ غړي دي.
که سوچه او ریښتینې اسلامي حکومت موجود وای نو د دې خلکو نوم به هم چا نه پیژندی خو دا د ډمې دموکراسي ارمغان دی چې ننګرهاریانو ته یې راوړی، د دموکراسۍ توره وریځ بالآخره پر ټول ننګرهار خپلې وزرې خپرې کړي او ټول ننګرهار یې نن سبا په د ظلم او وحشت په تورو تیارو کې پټ کړ. لعنت پر دموکراسۍ
