ليکنه:پروفيسور ډاکټر سافت کووسې
ژباړه : منيب الرحمن رحمانی
د اسماني کتابونو له نظره نکاح دوه مهم هدفونه لري،لومړی دنسل منظم دوام او نسب ساتل، دوهم دجنسي اړيکو او دشهوت د پوره کولو حلاله لاره منځ ته راوړل،حيا ساتل او جنسي غوښتنې په يو منظم ديسيپلين او نظم کې راوستل.د غربيانو او دیموکراتانو په نظربيا نکاح دجنسي اړیکو سرحد تعينوکي او دبې سرحده او لکه څنګه چې ددوي زړه وي لکه دچاسره،څه وخت ددي په وړاندې خنډ ده، ددوي په نظر چی دوی به بيا مجبور وی چی فقط دخپلې ښځې سره جنسي اړيکې ټينګې کړی.اسلام او نورو ټولو آسماني دينونو نکاح ته ډېر زيات اهميت ورکړي او هغه يي دجنسي ارامښت او مشروع نوي نسل د منځ ته راوړلو لپاره يوازينی لار ښودلې.
لکه څنګه چې پيغمبر ص فرمايي: چاچې خپل اورت او ژبه د ګناه نه وساتله زه يي د جنت کفيل او ضمانت کونکی یم.
شهوت د بلوغ نه تر مرګه پورې دانسان سره يو ځای شله،شديده،ډېر مقاومت کونکی،تاثير کونکی،انسان یی په وړاندې ضيعف،کنترول یی سخت خصوصیت او ځانګړڼه ده.
انسان ترټولو ډېر ددوه څيزونو په وړاندې بې وسه دی يو ددنيا او بل د شهوت چې شهوت تربل هرڅه ډېره د ضعف نقطه ده .
اسلام ددې ځانګړنو ته په کتو سره دوه د حل لارې وړاندې کوي د دنيوي مینې لپاره قناعت او د شهوت د علاج لپاره نکاح.
پيغمبر ص په يو بل ځای کې داسې فرمايي : پخوا وختونو کې يو شخص ۳۰۰ کاله عبادت وکړ،شپې یې په لمانځه او ورځې یې په روژه تېرولې بلاخره په يوه ښايسته جينئ يي سترګې او ولګېدې او ورباندې مين د خپل دين،او هرڅه تېر شه او هغه ښځې ته تسليم شو.
داځکه چې مجردوالي د شيطان وسله ده که انسان هرڅومره ځان وساتي خو تل يو سخت کمين چی جنسي قوه ده په مخ کې لري.
نکاح بيا د مومن او مسلمان وسله ده چی د خپل ګناه دترټولو زيات ټکی يعني زنا(که د سترګو ،که جنسي…) وي ځان ساتي.
کله چې يو ځوان نکاح وکړي او واده وکړي نو شیطان په چيغو شي او وايي د آدم يو بل زوي رانه بچ شو.
د نکاح د اهميت په اړه بل ځاي کې پيغمبر ص داسې فرمايي:چاچې واده وکړ نیم ايمان يي بچ کړ او په نيم نور کی دې د الله نه وويريږي.
اسلامي علما داسې وايي د يو مسلمان واده کول او ځان د غيرشرعي جنسي غوښتنو نه خلاصول ددی نه بهتر دی چي يو انسان د بل چا دغلامی نه خلاص شي.
کله چی انسان په خپلو جنسي خواهشاتو کنترول پيداکړي يعني يايي د نکاح په وسيله ترکنترول لاندی راولي يا يي د زيات زهد او تقواه په واسطه نو انسان د حيواني خواصو نه رباني خواصو ته لاره پيدا کوي.
نکاح د آدم ع نه شروع او په جنت کې به هم دوام کوي.
