د کرېکټ په تاريخ کې لومړۍ ځل د ورځې – شپې ټیسټ لوبې کيږي
(کابل ټکی کام : پنج شنبه، لېندۍ۵ مه، ۱۳۹۴ ل)
د کرېکټ په ۱۳۸ کلن تاريخ کې لومړی ځل دی جې پنځه ورځېنۍ ټیسټ لوبه او ګلابې توپ، چې د ورځې او شپې به ترسره کيږي، لومړۍ ورځ به داستراليا او نيوزيلانډ ترمنځ وي .
د کرېکټ نورې لوبې شل اوريزې او یو ورځنې به د شپې او ورځې ترسره کېدلې ، خو د ټیسټ لوبه په لومړي ځل د شپې او ورځې ترسره کيږي .
د کرېکټ وتلي لوبغاړي او پوهان وايي دا د کرېکټ په برخه کې یو غټ ګام دی.
دغه راز د پاکستان د کرېکټ لوبډلې پخوانی کپتان اصف اقبال هم دې ته خوشبين دي او زیاتوي چې له دې سره به د کرېکټ مينوال زیات شي .
د کرېکټ چارو شنونکي وايي کله چې په لومړي ځل د شپې او ورځې د ټیسټ لوبې لپاره دغه پرېکړه وشوه نو خلکو ته د خندا وړ وبرېښېده .
سره له دې چې د ټیسټ لوبې مینوال کم وي خو ددغو بدلونو ګلابي توپ او د ورځې او شپې لامله به يي نندارچيان ډېر شي .
د کرېکټ پوهانو له انده ګلابي توپ او د شپې او ورځې لوبې قوانين به پخواني وي، خو د یوه نوي پیل لامله دغه انتخاب شوی دی .
د دغو بدلونو نو هدف یواځنی د مينوالو جلبول دي .
د هند پخوانی کپتان سنيل ګواسکر هم د ګلابي توپ او د شپې او ورځې ټيسټ لوبې په اړه ښه نظر ورکړی .
سلیم بریال
