ډاکټر آصف
وایي توره شپه کې هر سړی وېرېږي خو څوک حال وایي او څوک یې نه وایي. تېره ورځ د امریکا حکومت خپلو وګړو ته رسما امر کړی چې شمالي کوریا او افغانستان امریکایانو، او په ځانګړې توګه عیسایانو ته، تر ټولو خطرناکه ځمکه ده.
سړی حیران شي چې شمالي کوریا له افغانستان سره پرتله کړي. شمالي کوریا د نن سبا هر ډول ټکنالوجي او درني وسلې آن تر اتوم بمه هر څه لري، که امریکا ترې وېره لري خو لامل به یې همدا وي. نو له افغانستان نه وېره د څه لپاره؟ که وېره له طالبانو وي، طالبانو خو خپل ټوپک هم د خلکو په چندو اخلي او ډوډۍ هم د کلیو خلک ورکوي.
معلومه خبره ده چې په افغانستان کې د امریکا وېره له طالبه ولې ده؟ ځکه چې امریکا ته د طالب د ګوزار زور معلوم دی، او دا زور د طالب نه بلکې د الله زور دی. الله تعالی فرمایي:
(وما رمیت اذ رمیت و لکن الله رمی)
طالب هم په همدې عقیده دی چې د ټیکنالوجۍ په دې زمانه کې د ۵۲ هیوادونو زور ازمایي، خصوصا له امریکا سره چې پر ټولې نړۍ یې راج دی او له ګردو هیوادونو باج اخلي، آن چې اتوم لرونکي هیوادونه ورڅخه په وېره کې ټولو ورته د اطاعت سرونه ټیټت کړي، دا څه آسانه او ساده خبره نه ده او نه طالب د دومره زور درلودونکی دی. که په ښکاره وکتل شي نو د امریکا او طالب جنګ داسې دی لکه د فیل او مېږي جنګ. خو که نتیجې ته یې وکتل شي نو لکه مېږي چې فیل په منډو کړی وی. نو ځکه امریکا له افغانستان څخه وېره لري خو طالب له امریکا څخه هیڅ ډول وېره نه لري.
