معصوم طالب
ټول افغانان یو، د یوي افغانۍ مور په زانګو کې را لوی شوي یو، خو بیا مو ولې په منځ کې دومره لوی تفاوت دی؟
ولې مو په کړنو کې دومره لرې والی دی، چې د يو لوري له کړنو درست انسانیت شرمیږي او د بل لوري کړنې نه یوازې دا چې د ځان افتخار یې ګڼې بلکي د درست انسانیت لپاره یې فخر بولي؟؟
راځئ د دغه سوال دجواب لپاره لږ د طالب او د عسکر په اعمالو او کړنو لنډ نظر واچوو:
جګړه:
جګړه که څومره هم له ځانه سپېره ده، ملتونه بربادوي ابادي او ښارونه نړوي د اقتصاد جرړې باسي او له ځان سره یو دنیا بدبختي لري، خو بیا هم له ځان سره اهداف لري جګړه خپل اصول او اخلاق لري.
راځئ لومړی په دغې خبره غور وکړو چې طالب او عسکر څنګه او ولې سره ښکېل شول؟
په افغانستان کې روانه سپېڅلي جګړه چې د هیواد د ازادۍ او د اشغال د ناولي قدم په خلاف هغو سپڅلو ځوانانو چې د احساس او ویښ ظمیر خاوندان دې، په تش لاس او لوی او پیاوړي عظم او ارادې سره شروع کړې ده.
بالمقابل څو ضمیر پلورنکي بې احساسه ځوانان د پیسو او د نفسي خواهشاتو لپاره له اشغالګرو سره څنګ په څنګ ودرېدل، دوي نه یوازې دا چې د اشغال د سترګو په حیث دې بلکې په هغو ځوانانو یې د ټوپک شپېلۍ ور اړولي څوک چې د اشغال مخ ته خڼډ دې او نه پرېږدي چې د اشغال له پلیت قدم نه د افغانستان مظلوم ملت خلاص کړي، دوی مستقیمًا دغربیانو هغه پلانونه پر مخ وړي، د کومو لپاره چې غربیان له دومره لرې راغلي دې.
دوې چې د غرب په پلیته کاسه کې يې خپلې داړې غوړې کړې دي او د غربیانو په مسیر تلونکي دي، نه کوم جګړئیز اخلاق لري او نه کوم د جګړې اوصولو ته ژمن دي، یوازې په وژلو، ربړولو او داړلو خپل ورځنی ژوند پر مخ بیايي.
د بېلګې په توګه یې هغه ظلم چې د غزني په ولایت کې له هغه مظلوم طالب العلم چې معصومیت یې له پاکې څېرې په ډاګه کېږي، لومړی یې د وږو لیوانو په څیر داړلی او بیا یې په سخت د مظلومیت په حال کې په شهادت رسولی دی.
خو بالمقابل طالبانو په همدې ولایت کې د دوی یو عسکر د جګړې په ډګر کې ژوندی ونیو، طالبانو دا کولای شوای چې د هغه خپل مظلوم طالب د وینو انتقام یې ورڅخه په څو چنده اخیستی وای خو دا چې دا یو جنګي اسیر وه، د شریعت له مخې یې کومه تېزه خبره هم نه ده ورته کړې، دا ځکه چې مخ ته یې شریعت او اسلامي احکام پراته دي،
څومره تفاوت لرو او څومره سره لري یو …؟
دا د دې يو ښکاره دلیل دی د هغه چا لپاره چې د جګړې د اړخونو تر منځ د حق او د باطل توپیر نه شي کولی، یا د هغه چا لپاره چې وایي دواړه طرفه افغانان وژني …
خو ای د غلام رژیم عسکره!!!
دا باید درک کړې چې کوم عذر نه درته کوم او نه درنه د رحم غوښتنه کوم ځکه له تا نه د رحم تمه کول هم له لیونتوبه کمه نه ده، ځکه ته په دې مأمور يي، چې باید د خپل مؤمن او مجاهد ولس وینې وزبېښې، که یې ونه کړې، نه به ته یې اونه به دې بیا دا ټوپک وي او نه ډالر..
خو په دغه خبره دې هم سر خلاص کړه چې یوه ورځ به راځي ان شاءالله د دغو ظلمونو حساب به بیا ټکي په ټکي ورکړې!.
