سرلیکنه
د درې اونیوراهیسې د هېواد داخلي او بهرنۍ رسنۍ په افغانستان کې د سولې په اړه زياتې لیکنې کوي اوتر نورو موضوعاتو يې سرلیکونه غوښن وي، ځينې رسنۍ چې دافغانستان په اړه تبلیغاتو ته ځانګړې شوي دي د اشرف غني لخوا د سولې په دويم پړاو کې طالبانوته د سولې وړاندیزپه بېلابېلو اړخونو توجه کوي او د نړیوالو ذهنیت له حقیقته بل لوري ته اړوي.
امریکايي واکمن اوافغان بې واکه حکومتي چارواکي افغان ولس او نړیوالوته ځانونه داسې ورپیژني چې دوی په افغانستان کې سوله غواړي، خوطالبان دي چې د اشرف غني له خوا د سولې وړاندیز ته مثبت ځواب نه وايي.
اشرف غني چې کله د سولې په اړه په ارګ کې ویناکوي لکه د سولې واک چې له همده سره وي، حال داچې د سولې په اړه واک څه چې په خپل فکر يې د خبرو کولو واک هم نه لري، ولس هم ورته حيران دى چې حکومت يې بې واکه اما خبرې ېې واکمنې دي.
له بله پلوه د سولې په نامه شورا رسنيوته وايي طالبان چې د سولې په اړه خبرو ته غاړه کېږدي يوې موافقې ته حکومت او طالبانو سره ورسيږي وروسته له هغې به د بهرنیوځواکنو له افغانستانه د وتلوپرمهالویش اقدام کیږي.
حال داچې خپله اشرف غني او د سولې په اړه نور ویناوال يې له کوره بهر ته د یوه قدم ایښودو واک هم نه لري، سوله کول خو لویه خبره ده ، د سولې د کولواو نه کولو، د بهرنیو پوځونو د وتلو مهالویش او بیا د نورو پوځونوافغانستان ته رالیږلو واک له هغه چا سره دی چاچې اشرف غني پرافغان ولس ورتپل شوي حکومت کې مقرر کړی دی.
په افغانستان کې د سولې اوجګړې موضوع دامریکا لخوا افغانستان او جنوبي اسیا لپاره په نوې جوړه شوې ستراتیژۍ کې روښانه ده چې سولې ته پکې هیڅ ځای نه دی ورکړل شوی، ټول ټینګار په جګړه شوې ، د سولې په نامه د نړیوالو د ذهنونو بدلولو لپاره غونډې جوړول یوه ډرامه ده چې امریکا يې د پلان له مخې سریالونه کله په یوه اوکله په بل هېواد کې د غونډو نندارچیانوته ښکاره کوي.
امریکا د ملګرو ملتونو لخوا په سوریه کې د تیرو درېو میاشتو په دوران کې درې ځلې له مسکوه د اوربند غوښتنه وکړه ځکه چې د سوريې په شرقي سیمې عفرین کې يې ځای پرځای کړي پوځونه راګیر دي، ، د نورو هېوادونو مشران يې مسکو ته په جرګه ور ولېږل، په سوریه کې چې داعش له ماتې سره مخ شو اوربند غواړي او په افغانستان کې د ۱۷کالوراهیسې پېل کړې جګړه له یوې ورځې بلې ته د بي ۵۲ بم غورځوونکوالوتکو او نورو پوځونو په رالیږلو نوره هم پسې سخته او پیچلې کوي .
امریکا چې د جګړې دوام او د سولې رامنځ ته کيدا دواړه يې په واک کې دي په افغانستان کې يې د یوې ورځې لپاره هم د اوربند اعلان ونه کړ.
طالبان د سولې په اړه نه په اشرف غني او نه د سولې په شورا باور لري، دوی د سولې واک نه لري، طالبان په افغانستان کې د سولې غوښتونکې دي نه د جګړې، دا کومه جګړه چې د بهرنيو ځواکونو په مقابل کې کوي دا هم د سولې د منځ ته راتګ جګړه ده، همدا د طالبانو مقاومت دى چې په افغانستان کې يې دا مريکا د پلانونو مخه نيولې ده.
امريکا د اسلامي هېوادونو او په ځانګړي توګه په افغانستان کې هغه پلانونه په نظرکې لري چې که خدای مه کړه د سولې په پلمه ورته فرصت په لاس ورشي بيا به د نړۍ په نقشه کې افغانستان نه وي .
