(کابل ټکی کام، ۱۳۹۷، وری ۲۰) د افغانستان د کرکټ ملي لوبډلې تر ټولو کشر لوبغاړي د هند د آی پي ال د سياليو په لومړۍ لوبه کې دوه لوبغاړي وسوځول.
د هند د«IPL» لوبو لپاره د افغانستان د ملي لوبډلې څلور افغان لوبغاړي پېرل شوي چې يو پکې ورو توپ اچوونکی مجيب الرحمن ځدراڼ دی.
مجيب الرحمن ځدراڼ د کنګز ايليون پنجاب لوبډلې لپاره لوبه کوي چې پرون يې د ډيلي ډرډيولز لوبډلې سره لوبه لرله.
نوموړي
مجيب د خپلې لومړۍ لوبې په لومړي اور کې د نيوزلنډ تکړه لوبغاړي مونرو او رجندرا پانټ څخه ويکټې وويشتې او درېيم لوبغاړی چې د مخالفې لوبډلې لوبډلمشر ګاتم په منډو کې وسوځول.
لومړی توپوهنه د ډيلي لوبډلې وکړه او په ټاکلو شلو اورونو کې يې د اوو لوبغاړو په سوځېدو ۱۶۶ منډې وکړې.
خو د کنګزايليون پنجاب لوبډلې ټاکلی هدف په اتلسم اور کې د څلورو لوبغاړو په سوځېدو پوره کړ.
دا لوبې د هندوستان په موهالي کرکټ لوبغالي کې روانې دي، تردې وړاندې د آی پي ال لومړی لوبه د چینای سوپرکېنګز او د مومبی انډينز تر منځ وه چې چینای لوبډلې وګټله.
دغه لوبه چې ورړمه ورځ پيل شوې پکې څلور افغان لوبغاړي راشدخان، محمد نبي، شاهر خان او مجيب الرحمن ځدران هم لوبېږي او تر يوې مياشتې به دوام وکړي.
