د امریکا د کالیفورنیا ایالت فضايي ادارې د نړۍ تر ټولو لویه الوتکه جوړه کړې، چې ټاکل شوې د راروان اوړي په موسم کې به خپلې الوتنې پیل کړي.
د «سټراټلانج» هوايي شرکت مسوولینو ویلي، چې لاهم د دې سترې الوتکې پر ځینو برخو کار روان دی او ټولې چارې یې لا بشپړې شوي نه دي.
د شرکت د مسوولینو په خبره، تراوسه یې دوه بریالۍ الوتنې کړي دي او ډېر ژر به درېیمه الوتنه هم ترسره کړي، چې په یوه ساعت کې به یې سرعت ۷۴ کیلومتره وي.
«سټراټلانج» د فضايي شرکت د معلوماتو له مخې، د دغه لویې الوتکې راتلونکی سرعت به ۱۳۰ کیلومترو په ساعت څخه ۲۲۰ کیلومترو ته ورسوي.
اوس مهال په نړۍ کې بېلابېلې الوتکې شته؛ خو دغه الوتکه به د نورو په پرتله ډېر مسافرین لېږدوي او هم به یې چټکوالی له نورو سره توپیر ولري.
لا هم معلومه شوې نه ده، چې دغه الوتکه به څومره مسافر په یوه وخت ځایولی شي.
