لیکوال : محمد زبیر هاشمي
اسلام یو داسي عدل څخه ډګ دین دی چې هر زنده سري ته يې ځانته ، ځانته حقوق ټاکلی دي، خصوصا انساني ټولنې ته کوم حقوقي او منهج ورکړی دی که انسانان په دغې لار ولاړشي نوهیڅ قسم ستونزو سره به مخ نه شي ، ټول به په امن او امان کې وي په هیچا به ظلم او تیری نه وي .
انساني ټولنې او په ځانګړې توګه مسلمانانو ته يي د امن پیغام ورکړی خو بد مرغې دا ده چې دوی په دغه لارښونې باندی عمل نکوي ، دهغه چا لارښونې باندی عمل کوي چې تل وخت دمسلمان هرعمل ته يې سپک کتلې دي .
د اسلام دښمنانو د انسانانو په مینځ کې د ژوند تیرولو یو نا کامله طریقه یا قانون جوړ کړی دی چې هر اړخیزه نیمګړتیاوې لري ، هغې ته زموږ مسلمانان ورڼه ډیره توجه ورکوي او کوښښ کوي چې پرې عمل وکړي بیلګوته يې ضرورت نشته .
په اسلامي ټولنه کې یو له بل سره تعلق یا اړیکه اګرګه ډیره ډیره پراښه موضوع ده زه لومړیتوب به د مسلمانانو په منځ کې د محبت اړیکي ته ورکړم ځکه د ژوند شیبې چې تیریږي نو خامخا به دټولنې یوغړي سره مخامخ کیږو. باید اسلامي اصولو په دایرکې ورسره اړیکې ټینګې کړو.
دغه خبره ټولو ته ښه جوته ده چې مسلمانان سره وروڼه دي خو محبت خپلو منځو کې داسي نه کوي چې کوم شی موږ ته الله او د الله رسول ص ښودلی.
زموږ داسلامي ورور ولي مینه او محبت کمزورتیا ډیر لاملونه لري خو ټولو نه ستر لامل يې فکري استعمار دی او دوهم لامل يې د مسلمان ورور حقوقو ته نه پاملرنه ده .
مسلمان ورور حقوق به د قران او حدیثو په هینداره کې ګورو ، لکه رسول ص فرمايې:
(الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ )
په دې حدیث مبارک کې د ښکلې ورور ولي شپږ خبرې بیان شوي دي .
نور بیا …
