د مینې ناول
عرفان الله عرفاني
ناول د مینې جـــــوړوم عرفاني
په زرین تورو یې لیـــکم عرفاني
چې د عُشاقـــو د پام وړ وګرزي
د عشق ټپې تارکې پېیم عرفاني
چې مې تاریخ ته یو اثر پاتې شي
د ژونـد کیسې راټولوم عرفاني
ستا د غزل ډیوه پانوس کې ږدمه
زه یم پنتګ ځان پرې سوځم عرفاني
خوند راکوي ناز،کرشمې د جانان
نن خـو یې کلي ته ورځم عرفاني
د راتلو زیـــری یې نسیم راوړی
لونګ په لارو کې شیندم عرفاني
تږی دی تږی (عرفاني) تږی دی
زمزم د وصل پرې نن څښم عرفاني
