(کابل ټکی سه شنبه، لېندۍ ۲۴مه، ۱۳۹۴ ل)
له ننګرهار ولایت نه تازه راپورونه وايي، چې د په غني خېلو ولسوالۍ کې د تورخم – جلال اباد پر لویه لار د داعش ډلې اکمالاتي مسوول له درې ملګرو سره یو ځای نيول شوی .
دغه خبر نن د ختيځ زون د ۲۰۱ سېلاب قول اردو مطبوعاتي مسؤل محمد نعمان هاتفي ورکړی وايي، د داعش ډلې اکمالاتي مسوول مولوي عطاء الله نومېږي چې له درې میلیونو او دوه سوه دیارلس زره کلدارو، پنځوس زره افغانیو، دوو موټرسایکلونو او درې ملګرو سره یو ځای نيول شوی او اوس ددوي په توقیف کې دی .
هاتفي وايي چې نوموړي په دې اعتراف کړی، چې ده دغه پیسې په اچین ولسوالۍ کې د داعش سرګروپ مفتي محمد اسماعیل ته انتقالولې .
په دې اړه تر دې دمه د داعش ډلې څه نه دي ويلي .
او دغه راز په همدې سیمه کې د ۷ تنوه نور شکمنو پاکستانیو نيولو خبر هم ورکړ شوی دی .
بدرالدین ځواك
