کابل ټکی کام ۰۵جدې/۱۳۹۴، قدرت الله حسین
اناضول خبري اژانس د ترکيې د امنيتي سرچينو په حواله ليکلي، چې پوځ او امنيتي ځواکونو په تېرو لسو ورځو کې د پي کی کی ډلې ۲۰۸ تنه وژلي دي.
امنيتي سرچينې وایي، د ترکيې جنوب ختيځ لور ته د شرناق ولايت په جيزرة سيمه کې د پوځي او امنيتي چارواکو په عملياتو کې ۱۳۹ وسله وال وژل شوي دي، بل لور ته په همدې ولايت کې په سيلوبي سيمه کې ۸ وسله وال وژل شوي دي، همدا راز د ديار بکر ښار په سور سيمه کې ۳۳ وسله وال، د مارډين ولايت په دارګيجيت او نصيبين کې ۲۱ او بيټليس ولايت کې څلور تنه وژل شوي دي، دغه ټول وسله وال د پي کی کی ګوند پورې تړلي دي، چې د ترکي دولت پر ضد په جګړه بوخت دي.
ترکي پوځ او پي کی کی ګوند له دوه کالو راهيسې اوربند اعلان کړی و، خو په تېر جولای مياشت کې دغه اوربند هغه مهال مات شو، چې د ياد ګوند غړو پر ترکي پوځ او امنيتي ځواکونو بريدونه پيل کړل، ترکي پوځ وروسته پر دغه ګوند بريدونه پيل کړل.
پي کی کی ګوند ترکيې، امريکا او اورپايي ټولنې د ترورستو ډلو په لېسټ کې شامل کړی دی.
