د مینې سیاست
عرفان الله عرفاني
تاسره پاتې وو راغلی یم خپل زړه غواړمه
د دېوال سیوري ته دې ناست یمه اوبه غواړمه
ډېرې مې تېرې کړې تنها د بېلتانه شوګېرې
څو شېبې خوب جانانه ستا پر زنګانه غواړمه
تا یوسف مخي پسې تللی زما نظر یعقوبي
ورته درمل ستا د وصال خواږه رانجه غواړمه
په خدای د کلي رقیبانو ته دې دوه پیسې کړم
لږ خو را وو ځه ومنۀ چې نور څه نۀ غواړمه
که ستا وي خوښه او که نوي زه دا کار کومه
د چا له ضده ستا کوڅه کې تلۀ راتلۀ غواړمه
دا چې ښکاره کړم ملاقات دا دی سیاست د مینې
چې د غماز مخکې لتا سره لیده غواړمه
خلک به هرڅه هرڅه وایي خو اللهﷻ شاهد دی
زه (عرفاني) درته دعا په هر لمانځه غواړمه
