خیبر پښتونخوا (کابل ټکی کام سه شنبه، مرغومي ۸ مه، ۱۳۹۴ل) :
د ګاوندي هېواد پاکستان خیبر پښتونخوا ایالت مردان ښارکې د شناختي کارډونو ورکونې یا نادرا دفتر مخې ته یوه زوروره سرښندونکې حمله شوې چې ۲۲ کسان يې وژلي او ۴۹ تنه نور يې ژوبل کړي دي .
د خیبر پښتونخوا ایالت سیمیزو رسنیو د خبر په بنسټ دغه برید هغه مهال رامنځ ته شوی کله چې د مردان ولسوالۍ د د ملي احصائيې «نادرا» دفتر په ورودي دروازه کې یو په موټر سائکل سپور شکمن شخص د تلاشۍ لپاره د دفتر ساتونکو ودراوه او هغه خپلو انفجاریه توکو ته انجفار ورکړ او درنه مرګ ژوبله يې ولسي وګړو ته واړوله .
د لومړنیو راپورونو له مخې د مردان امنيتي چارواکي تر چاودنې وروسته د چاودنې د نوعيت او د تلفاتو په اړه مختلفې ادعاوې کړي دي؛ خو د مردان ښار د پوليسو سيمه ييز مشر فيصل شهزاد بيا وروسته د پېښې په اړه له رسنيو سره په خبرو کې تاييد کړه چې دا يو سرتيری بريد و او تر دې دمه يې ١٨ کسان وژلي دي او یو شمېر نور يې ټپیان کړي دي .
د ځايي چارواکو په وینا د پېښې قربییانیان نږدې سیمیز روغتون او د مردان کمپلیکس ته لېږدول شوي دي، د روغتون چارواکو د پېښې په تائید سره ويلي دي چې ۲۲ تنه وژل شوي او ۴۹ تنه ټپیان ور وړل شوي دي، د ژوبلو کسان یو شمېر رغتیايي حالت د اندېښنې وړ ښودل شوی دی .
په چادنه کې وژل شوي ډیری ځايي خلک دي او د نادرا د دفتر ساتونکي هم په مړو او ټپیانو کې شامل دي .
سليم بریال
