تنګ لاسي – لنډه کیسه

ژباړه: محمد نبي (الدين)

کوم څوک و يوه صالح سړي ته راغلی او د خپل حالت په اړه يې شکايت ورته وکړ..

ويل: زه په پنځو دراهمو مزدوري کوم، خو دا بيا هم زما د کور بسنه نه کوي..

شیخ ورته وويل: ورسه د کار خاوند ته ووايه، چي ستا اجره له پنځو څخه څلورو ته را ټيټه کړي!

سړي هماغسی وکړل، سره له دې چي په سبب هم پوه نه سو..

څه وخت وروسته بيا سړی راغلی او ویل حالت می نه دی ښه سوی او مشکلات مي اوس هم  پر خپل حال پاته دي..

شیخ بيا ورته وويل: ورسه د کار خاوند ته ووايه، چي ستا اجره له څلورو څخه دريو ته را ټيټه کړي!

سړی دا واري ډېر حيران سو، خو بيا يې هم هماغسي وکړل..

څه وخت وروسته

سړی بیا راغلی او د صالح سړي مننه يې وکړل او ويې ويل: اوس مي هغه درې دراهم د ټول کور لپاره کفايت کوي او اضافه کيږي هم..

وروسته يې له شيخ څخه د دې کار د راز په اړه وپوښتل، شيخ ورته وويل:

لومړی تا دومره کار کاوه، چي تا له دریو دراهمو څخه اضافه حق نه درلود..

نو هغه دوو اضافي دراهمو ستا د درو دراهمو برکت هم له منځه وړی وو..!!

او بيا يې دا شعر ووايه:

جمع الحرام على الحلال ليكثره

دخل الحرام على الحلال فبعثره

حرام يې د حلالو سره ګډ کړل؛ چي ډېر يې کړي

حرام پر حلالو راغلل او ويې شيندل

#منقول للعبرة