(کابل ټکی کام : شنبه، مرغومي ۱۲مه، ۱۳۹۴ل) :
هندي چارواکي وايي چې څو تنه وسلوال برید کونکي په یوه پوځي موټر کې دغې هډې ته ورغلي، چې د هند پوځي یونیفورم يې په تن او په مجهزو وسلو سمبال ول.
اوس مهال په هوا کې چورلکې لیدل کيږي، ویل کيږي چې جګړه اوس هم روانه ده په هډې کې د ډزو اوازونه اوريدل کيږي .
سرچنیه وايي چې د هند دفاع وزارت ویاند نتن وکانکر ویلي، چې دوه بریدګر وژل شوي او پاتي يې د امنیتي ځواکونو له لوري کلابند شوي دي .
د فرانس پرس خبري آژانس د خبر له مخې، بريد کې څلورو یا پنځه بریدګر برخه لري او نن سهاروختي د پولیسو په موټر کې چې د پولیسو وردي يې په ځان وې د پټان کون په هوايي هډې يې بریدونه پیل کړي دي .
دغه آژانس د یوه هندي پوځي له قوله وايي، چې په منظم ډول وسلو سمبال بريدګر چې ګمان کيږي د «جیش محمد» ډلې پورې تړاو ولري هڅه کوي چې هډې ته دروند زیان واړوي .
د پټان کوټ پولیسو مشر فرانس پریس آژانس ته ويلي دي چې چې په هډې کې پوځې الوتکو ته تراوسه کوم زیان نه ده اوښتی جګړه اوس هم روانه ده او بريد ګر هڅه کوي چې هډې ته ننوځي او پوځي الوتکې او نور وسایل تخریب کړي .
یو ځل تر دې واړندې د تېر کال اګست میاشت کې د هند په ګرداس پور کې د پولیسو یوه مرکز باندېدې دې ته ورته بريد شوی وه چې اووکسان يې وژلي وه .
سليم بریال
