غزل
حضرت يوسف مزمل
سپرليه راشه راوړه بيا ګلونه ښکلي ښکلي
په زړه کې مې اوسيږي ستا يادونه ښکلي ښکلي
فراق مې په نصيب دی خپل قسمت ته يم حيرانه
د هجر په اورو کې مې وختونه ښکلي ښکلي
ګريوان تر لمن څيرې تر مجنون مې حال بتر دی
په غرو او په رغو کې مې خوبونه ښکلى ښکلي
نارې د اف او اخ مې د زخمي زړګي له درده
پرهر پرهر په زړ مې دې داغونه ښکلي ښکلي
ترڅو به لوىه خداى دا غمونه وي اوزه يم
مزمل به زه ليکم دغه شعرونه ښکلي ښکلي
