انجینر عمیر ویاړ
دا خو د لمر په څیر څرګنده ده چې کله هم دوه متنازع اړخونه د سولې میز ته کیني نو حتمي ده چې د دواړه لوری باید هر اړخیزه آزادي ولري، په همدې بنا امریکا چې کله په دې باوری شوه چې د طالبانو پر خلاف نوره جګړه کول بې ګټې کار دی نو یې طالبانو سره د سولې میز ته د کیناستو اعلان وکړ او د طالبانو دا غوښتنه یې ومنله چې د اشرف غني له ادارې پرته نیغ په نیغه خبرو ته ورسره ځکه تیار دی چی د قضیې اړخ امریکا او طالبان دی نه د اشرف غنی اداره، ځکه چې دا خو هم له هیچا پټه نده چې د اشرف غني اداره د امریکا لاس ناستې اداره ده چې نه د جګړې او نه هم د سولې او نه هم د حکومتولۍ د چلولو هیڅ ډوال واک او صلاحیت نه لري او د ګوډاګي په څیر د بل په لاس لوبیږي. که ورته وایی وخانده خاندی او که ورته وایې وژاړه ژاړي، که ورته وایي کینه کیني، که ورته وایی ولاړسئ ولاړیږي او بالآخره که ورته وایی ګونډه کیژد په کونډو کیږي او که ورته د پروت ووایی پروت کوی.
له یوې خوا د اشرف غني اداره بې واکه چیغې وهي چې نور جنګ نه غواړي سوله غواړي خو اوس چې د سولې یو څه نسبي امیدونه پیدا شوي دی نو ولیدل شول چې د سولې په وړاندې یواځینی خنډ په خپله اشرف غنی او د هغه ورسته اداره ځکه ده چې ګټې یې په جګړه کې نغښتې دي.
اوس به هیوادوال او نړیوال په خپله قضاوت وکړي چې څوک جګړه غواړي او څوک سوله؟ او څوک د سولې لپاره رښتینې دي او څوک درواغجن، آیا هغه چې د سولې لپاره مکمل تیاری لری او هرې غونډې ته اماده دي او که هغه څوک چې کله امریکا او کله ملګرو ملتونو ته د سولې د ټکني کولو عریضې کوي؟
اوس به دا هم نړیوالې ټولنې ته جوته شي چې د چا د سولې چیغې رښتینې او د چا درواغجنې دی او ملت ته څوک رښتیا وایی او څوک ملت تیرباسي؟
اوس چې د سولې خبرې اوج ته رسیدلی نو د اشرف غني اداره په تیره په خپله اشرف غني ترپکې وهي، او هر اړخیزې هڅې کوي څو یې مخه ونیسي نو کله له ټرمپ سره پټ پټونی کوی، کله ملګرو ملتونو ته شکایتونه او عریضې کوي او په یوه بهانه یوه بهانه غواړي څو د سولې مخه ونیسي کله وایی چې طالبان خو په تور لیست کې دی نو ولی سفرونه کوی، هدف یې دا دی چی د سولې پروسه ټکنۍ کړي او هغه په اصطلاح به خړې او ماهیان پکې ونیسي.
ټوله نړیواله ټولنه او ټول هیوادوال دې دا شیبې له یاده نه باسي، همدا اوس د سولې په اړه یو ناسته چې د امریکا او طالبانو تر مینځ پرې توافق شوی و څو په اسلام اباد کې ترسره شي، خو اشرف غني د ملګرو ملتو له لارې د دې ناستې خنډ وګرځید.
له یوې خوا د سولې مخه ډپ کوي او له بلې خوا ټرمپ نه عریضه کوي څو خپل پوځیان له افغانستانه و نه باسي. یعنې جګړه باید دوام وکړي او طالبانو سره ناستې ځکه صورت ونه نیسي چې دوی په تور لیست کې دی، نو افغانستانه نور دې خدای مل شه او افغانانو نور مو خدای مل شه.
