« سرليکنه »
ورځ مخکې د سعودي عربستان لخوا اعلان وشو، چې د يو شمېر تروريستي فعالیتونو په جرم ۴۸ تنوته د مرګ د سزا حکم عملي کړل شو ، په دې ۴۸ تنو اعدام شوو کې سعودي ميشته شيعه ملا باقر النمر هم شامل و ، چې د سعودي حکومت د هېواد په شمال کې په ۲۰۱۲ز کې د سعودي د شاهي کورنۍ پرخلاف د مظاهرو په دوران کې نيولي و. يوشمېر هېوادونو او په خانګړې توګه ايران د سعودي له شاهي کورنۍ غوښتل چي شيخ باقر النمر اعدام نه کړي ؛ خو د سعودي حکومت خپله پرېکړه عملي کړه .
د سعودي د دې پرېکړې په غبرګون په ټول ايران، تهران او مشهد کې مظاهري وشوې ، چې په تهران کې د سعودي سفارت او په مشهد کې يې کونسلګرۍ ته اورونه واچول شول .
له تهرانه وروسته په ترکيې ، لبنان ، پاکستان او د کشمير په سرينګر کې د سعودي د حکومت په کړنو لاريونونه وشول او سخت غبرګون پرې وښودل شو.
د سعودي د بهرنيو چارو وزير عادل الجبير اعلان وکړ ، چې د ايران د سفارت د يپلوماتان دی په ۲۸ ساعتونو کې له سعودي ووځي ، چې د سعودي د شاهي کورنۍ او دولت دې عمل په ايران او نورو اسلامي هېوادونو کې مسلمانان په دې خاطر چې د اسلامي نړۍ په مسلمانانو کې د شيعه اوسني د اختلافاتو په زياتېدو به ټولې اسلامي نړۍ ته تاوان ورسېږي، د سعودي پرخلاف مخالفتتونه زيات شول.
د سعودي لخوا د ايران سره د ديپلوماتيکو اړيکو په پرېکون بحرين او سوډان هم اعلان وکړ ، چې د تهران سره يې ديپلوماتيکي اړيکې پرېکړې .
که څه هم د ايران د کورنيو چارو وزارت ويلي ، چې په تهران او مشهد کې د سعودي عربستان ديپلوماتانو ته هېڅ ډول تاوان نه دی رسيدلی او په تهران او مشهد کې يې يو شمېر مظاهره کوونکي چې د سعودي عربستان په خلاف راپاريدلي وو، نيولي دي.
د ايران او سعودي ترمنځ په اړيکو پرېکولو کې لويه ستونزه داده ، چې څه خو دې دواړو هېوادونو د مخه هم سره اختلافات لاره او د يمن په خلاف چې سعودي پريمن بمباري وکړه اختلافات يې نور هم زيات شول ؛ خو بدبختانه چې دواړه اسلامي هېوادونه په دې نازکو اوترخو حالاتوکې اسلامي نړۍ ورسره مخ ده يو پربل دترهګرۍ تورونه هم لګوي .
د ايران د بهرنيو چارو مرستيال وزير حسين امير عبدالله يان وايي چې سعودي د کفري هېوادونو په اشاره د اسلامي نړۍ پرخالف چې د سيني او شيعه اختلافات پکې زياتېږي کړنې کوي.
د ايران لخوا که په ښکاره د کوم هېواد نوم نه دی اخيستل شوی ؛ خو ايران همېشه سعودي عربستان د امريکا سره په نږدېوالي د مسلمانانو پرخلاف په کړنو تورن کړي دي.
د سعودي عربستان او ايران ترمنځ د ديپلو ماتيکو اړيکو پرې کول که د يوې خوا د شيعه او سني ترمنخ اختلافات زياتوي او اسلامي نړۍ ته ترې تاوان رسوي د بلې خوا د امريکا او اسرئيلو اصلي موخه په مسلمانانو کې د درز اچولو داده ، چې د سوريې جګړه دوامداره پاتې شي او د سولې او امن مخه يې د اسلامي هېوادنو په اختلاف کې ونيول شي.
د روسيې حکومت د ايران او سعودي ترمنځ د منځګړيتوب غږ کړی ؛ خو امريکا چې په سوريه کې د روسيې مخالفت کوي داموکه به ورنکړي.
