(کابل ټکی کام، ۱۳۹۸، وری ۱۰)
که څه هم ټماټر په عامو خوراکونو او قطغونو کې زياته اندازه کارول کېږي خو وروستيو څيړنو ښودلې چې د ټماټر خوراک مو د معدې له کينسر ناروغۍ بچ ساتي.
د معدې کينسر ناروغي چې په نړۍ کې يې زياتوالی موندلی، ډیری وخت دغه ناروغي د بې وخته او غير صحت مندو غذايي خوراکونو له کبله رامنځته کيږي.
دغه راز د تمباکو څښوونکو، زياتې مالګې او مساله لروونکو خوړونکو کې هم د کينسر ناروغۍ د پيدا کيدلو زيات امکان وي.
خو تازه د واشنګټن الی نوای (washington university illinois) پوهنتون د يوې څېړنې په پايله کې ويلي چې د ټماټر خوراک مو د معدې کينسر له ناروغۍ ژغوري.
د څيړونکو په وينا، د ټماټر خام خوراک هم ګټه ور دي زياتوي په ټماټر کې د لائکوپين په نوم عنصر شتون لري چې بدن ته ډيره فايده ورکوي.
تر دې مخکې هم دغه پوهنتون په يوه څيړنه کې ويلي و چې د ټماټر خوراک د پروسټيټ کينسر ناروغۍ سره مقاومت کوي او تر ډيره انسان له دغه ناروغۍ بچ ساتي.
