له کومه وخته ، چې زموږ د ګران هېواد افغانستان د کړکيچنې او مرګونې مسئلې د حل موضوع تازه شوې ؛ پرخلاف يې غرب د همکاريو ترسيورې لاندې تبليغات پېل کړي دي.
هغه پروګرام ، چې د مسئلې او مذاکراتو له منځه وړلو لپاره غرب د ځانه سره لري، د سولې او مذاکراتو پرمهال يې تبليغ کوي، څو څو واره يو شمېر مخلصو هېوادونو د مذاکراتو په دوام سره د سولې هڅې کړي دي ؛ خو غرب او ورسره د غرب يو شمېر د اهدافو شريک چې زموږ په جګړه کې يې پوره کوي ، د سولې پرمهال يوه ستونزه راپيداکړي او زموږ د هېواد د بدمرغيو کلونه اوږده کړي.
مونږ دا منو ، چې موږ د هېواد چارواکي خپلواکي نه دي او څه طالبان تراوسه پورې په رښتيني توګه سولې ته ندي حاضر، طالبان د لومړي سر نه په دې خپل دريځ ولاړ دي ، چې ترڅو يو بهرنی هم په افغانستان کې موجود وي موږ مذاکراتو ته نه يو حاظر. دلته که د يوې خوا د طالبانو دا سخت او نه بدليدونکي دريځ وګورو د سولې او مذاکراتو سره طالبانو هېڅ مرسته نه ده کړې ؛ خو که د بلې خوا د طالبانو دريځ ته لږ په غوره سوچ وکړو په داسې حال کې چې ورځ په ورځ زموږ پرولسي وګړو بمباري کېږي ، هېواد اشغال شوی سوله بيا څرنګه او د چا سره کوي.
طالبان په دې نظر دي ، چې لومړی د سولې زمينه برابره شي ؛ يعنې بهرني پوځونه د ولس له سرونو ټوپک پورته کړي بيا به سوله او مذاکرات وشي . د چګړې په دوام کې هېڅ وخت سوله راتلونکې نه ده .
دويم دا چې ګاوندي هېوادونه په وسله کې اخلاص وکړي امريکا او ورسره اشرکړي هېوادونه په دې پوه کړي ، چې د افغانستان په ګاونډيو هېوادنو او سيمه کې روانه بد امني ستاسې د پوځونو موجوديت دی ؛ د بېلګې په توګه امريکا د خپلې نوې پاليسۍ اعلان په لومړي سرکې ويلي وو، چې تر۲۰۱۴ز وروسته به د بهرنيو پوځونو ماموريت په افغانستان کې پای ته ورسېږي ، اوس دا دی د کندوز او هلمند په ولاياتو کې يې بيا پوځي ماموريت يعنې په جګړه لاس پورې کړ . هغه وخت چې د ناټو پوځونه له افغانستانه د جګړې لاس واخلي همغه ورځ او ګړۍ سوله ده .
بيا په يوه هېواد کې هم مذاکراتو ته اړتيا نشته، دولتي ځواکونه او طالبان دواړه دهېواد مذهب او کلتور شريک وروڼه دي، خپله ستونزه په خپل کور کې حل کولای شي.
اوس چې په اسلام اباد کې د سولې لپاره هر اړخيزه غونډه وشوه دولت يې د ښو پايلو هېله وښوده. طالب مشرانو که مثبت نظر ندی ورکړی ، نو پرخلاف يې هم کومه اعلاميه نه ده خپره کړې؛ خو غربي ميډيا (رسنۍ) په اسلام اباد کې د سولې د څلور اړخيزې غونډې سره په دې پوچ تبليغ پېل کړی ، طالبانو په څو برخو ويشل شوي، که يوه خوايې سوله ونکړي ستونزې به پاتې وي؛ يعنې د مخه يې د جګړې د دوام تبليغ پېل کړی په حقيقت کې طالبانو سره يو دي او دې يوالي د خپلو جګړو زياتوالی ښودلی او په همدې يوالي به سوله هم کوي.
