(کابل ټکی کام، ۱۳۹۸، غبرګولی ۱۹)
د افغانستان کرکټ ملي لوبډلې په نړيوال جام کې پرون د نيوزيلنډ سره د دغه لړۍ درېيمه سيالي وکړه چې نيوزيلنډ ته يې د ۴۱،۱ اورونو په لوبولو ټول لوبغاړي وسوځيدل او سيالې لوبډلې ته يې د ۱۷۳ منډو هدف وټاکه.
په افغان لوبغاړو کې تر ټولو زياتې ۵۹ منډې حشمت الله شهيدي او ورپسې حضرت الله ځاځي ۳۴ ، نور علي ځدراڼ ۳۱ منډې وکړې.
تر دې مخکې افغانستان سريلانکا او اسټراليا ته هم لوبه بايلله وه او دا په نړيوال جام کې د افغان لوبډلې درېيمه لوبه وه چې نيوزیلنډ ورته په ۷ ويکټو ماتې ورکړه.
د نيوزيلنډ درې لوبغاړي افغان توپ اچوونکي افتاب عالم وسوځول خو په ۳۲،۱ اورونو کې يې د افغان لوبډلې ټاکلی هدف پوره او بريا يې په خپل نوم کړه.
افغانستان د نړيوال جام سياليو په لړ کې خپله څلورمه لوبه د جون په پنځلسمه نيټه د سويلي افريقا سره ترسره کوي.
