په نړيواله کچه د انساني ژوند د تباهيو او خپلو شومو اهدافو ته د رسيدو لپاره چې تل يې د خپلې پراختيا د لاسته راوړلو لپاره د نورو په هر اړخيز لحاظ د کمزورو هېوادونو تسخير او نشتوالی په نظر کې نيولی، ډول ډول انسان وژونکي وسلې جوړوي ، چې بدبختانه دا وسلې به لومړي ځل لپاره په کمزورو هېوادونو کې ترټولو په فقيرو قومونو استعماليږي ، ځکه له دولت مندو هېوادونو او قومونو څخه پراختيا غوښتونکي هېوادونه او دهغوی واکمن انديښنه نه لري ؛ خو په مقابل کې بيا يو شمېر داسې وګړي او هېوادونه شته، چې د انساني ژوند د اسانتياوو لپاره شپه او ورځ د تجربو په ترسره کولو سره اسباب تياروي ، چې ترزياته حده قدرت غوښتونکي اشخاص د دې خلکو سره هم نظره نه دي.
دويمه ډله انسان ته د اسانتيا ورکولو وګړي په دې هڅه کې دي، چې يوازې شتمن نه ؛ بلکې د ټولنې عام وګړي هم د نوو جوړوشوو ماشيني آلاتو څخه ګټه پورته کړي ، چې پکې کمپيوټر او موبايل د يادولو وړ دی .
په اوس وخت کې تر ټولو زياتي اسانتياوې د مسنجر دي ، چې هر ليکوال او لوستوال ترې ګټه ترلاسه کوي. مسنجر اوس مهال په ټوله نړۍ کې عام شوی او ترټلو زيات استعمالېږي .
څوک چې فيسبوک استعمالوي زيات وخت د دوستانو سره د اړيکو په نيولو مسنجر استعمالوي د معلوماتو له مخې چې له کمپنيو ترلاسه شوي : په نړۍ کې له ۷۰۰ ميليونو زيات وګړي مسجر استعمالوي ، چې د بېلابېلو هېوادونو ميليونونو وګړو ته يې ګټه رسيږي.
اوسمهال مسنجر دومره عام شوی دی چې يو انسان لومړی نيټ ته کېني د مسنجر په وسيله به ورته کوم پېغام راغلي وي، او يا به يې بل ته لېږدوي، چې مسنجر ترټلو ګټور او د اړيکو اسانه وسيله ده .
