کرکټ نړيوال جام: افغانستان خپله پنځمه لوبه نن له انګلستان سره کوي

(کابل ټکی کام، ۱۳۹۸، غبرګولی ۲۸) 

د کرکټ نړيوال جام د سياليو په ترڅ کې افغانستان ملي لوبډله نن خپله پنځمه لوبه له انګلستان سره کوي.

دغه لوبه به د افغانستان پر وخت ۲:۰۰ بجې د انګلستان د مانچسټر په اولډټرافورډ لوبغالي کې پيلېږي.

د افغانستان د کرکټ بورډ د معلوماتو له مخې، د لوبې د ليدلو لپاره د ګډ حکومت مشر اشرف غني او د کرکټ بورډ اعلی سرپرست هم لوبغالي ته ورځي.

افغانستان تر دې مخکې د نړيوال جام سياليو کې څلور لوبې کړي چې څلور واړه يې بايللي دي.

خو د افغان لوبډلې کفتان ګلبدين نايب وايي، چې ښه ورو توپ اچوونکي لري او تمه ده چې په ننۍ لوبه کې ښه وځليږي او لوبه وګټي.