د متحده عربی اماراتو د شارجې دښتې په یو برخه کې قیمتي موټر لکه فراري، بېنټلي، رینج روور، رولس رایس او داسې نور ګران بیه موټرو یو غټ قبرستان شتون لري چې د نړۍ قیمتي کباړخانه هم بولي.
که څه هم په دې دښته کې ټول موټر له کاره لوېدلي ښکاري، خو رسنۍ لیکي، د دې موټرو پرزې ډېرې قېمتي دي او په بازار کې په ډېره لوړه بیه پلورل کېږي.
په ۲۰۱۲ مېلادي کال کې په متحده عربي اماراتو په تېره بیا دوبۍ کې مالي بحران راغی چې له دې ښاره برېټانوي، امریکايي او د نورو هېوادونو اوسېدونکي پرېښودو ته اړ شول، خو نوي ماډل موټر یې پر دښتو پرېښودل.
دې کسانو ځکه مرسډیز، بيایم ډبلیو، اوډايي، مسټینګ او نور ډولونه موټر په دښتو کې پرېښودل چې په دوبۍ کې یې زیات اقتصادي زیانونه وليدل او دا ښار یې بالاخره د پورونو له کبله پرېښود.
دا موټر اوس هم د نړۍ ګران بیه بلل کېږي، خو شدیدې ګرمې، وچکالي او په دښته کې د شګو بریدونو تر ډېره زاړه کړي او هغه اصلي ښایست یې ورته له منځه وړی دی.
