ډالۍ دي وي وه تـــاته دُرودونه محمده
ســــلام درباندي وایي ډېرګلونه محمده
له شرقه تر مغربه جانان ده ټولو ته یې
آرمـان دي د دیدن کړي عالمونه محمده
څادر د تور تمونو تا ټول له دې جهان کړو
تا راوړو یوځل بیا سپین سهارونه محمده
بلبل په ترنم کې ګلاب خپل په ښایست کې
دا ټول اخلي همیشه ستا نومونه محمده
دریاب هره لحظه چې څپو په څپو واوړي
هم دومره زمونږ له لوري سلامونه محمده
جاویدآشنا یوځل خو در وغواړه جانانه
په زړه کې یې بس دغه آرمانونه محمده


















