پوهنوال احمدالله موحد
تېره ورځ د طلوع تلویزيون پر کارکونکو بريد وشو، دا برید په داسې حال کې وشو چې دې تلویزيون د لومړي ځل لپاره په کندز کې د محصلینو پر پاکه لمن داغ پورې کړ او په يو بې اساسه خبر کې يي پر کندز د طالبانو تر بريد وروسته پر ځينو ښځينه محصلینو باندې په ليليه کې د جنسي تيري يو بې بنسټه خبر خپور کړ، ياد خبر طالبانو نه بلکې د کندز خلکو، محصلینو، د پوهنتون محصلینو او د لوړو زده کړو وزارت هم رد کړ.
دې ټولو ياد بريد ځکه رد کړ چې په هغه وخت چې کندز طالبانو ونیوه، نو د اختر شپې ورځې وې ان تر دې چې والي،امنيه قومندان او د ملي امنيت رئيس يي رخصت وو، نو کله چې د يو ولايت مسولين نه وي نو په کوم پوهنتون کې به محصلين پاتې وي بل دا چې دا يو منل شوی ټولنيز اصل دی چې په افغانستان کې کله هم نجونې څوک په لېليه کې يوازې نه پريږدي.
تر دې خبر وروسته طلوع ته طالبانو رسما ګواښ وکړ، چې نور يي پوځي هدف دی او له ټولو خلکو يي غوښتنه وکړه چې ددې ټلویزيون له کارکونکو سره راکړې ورکړې، اړيکې، تګ راتګ او یا ور نږدې کيدل پرېږدي. په دې وخت کې شونې ده د طالبانو دا خبرداری خلکو ته ټوکه ښکاره شوي وي خو کله چې د طالبانو داګواښ او د طلوع خپل سري وګورو نو دا خبره تشه کيسه نه وه.
طلوع څه ډول ټلویزيون دی:
۱ـ طلوع لومړی تلویزيون دی چې تر رښتيا دروغ او تر حقايقو بې اساسه خبرونه ډير خپروي.
۲ـ طلوع لومړنی تلویزيون دی چې بنسټ يي اسراييلي،امريکايي او افغاني ګډ ټيم کېښود.
۳ـ طلوع د مبتذلو سریالونو لومړنی بنسټ ايښودونکی دی.
۴ـ طلوع د افغان ستوري په نوم د فحاشۍ خپرولو خپرونې لومړنی بنسټ ګر دی.
۵ـ طلوع پر افغاني مصطلاحاتو لومړنی بريد کونکی تلويزيون دی.
۶ـ طلوع لومړنی تلویزيون دی چې داسراييلو په خوښه د فارسي ون په نوم د ایران ضد خپرونې کوي.
۷ـ طلوع لومړنی تلويزيون دی چې د امريکې سفارت ترټولو ډيرې پروژې ورسره دي.
۱۰ـ طلوع لومړنی تلويزيون دی چې د پکتيا خلک يي دوسان وبلل.
۱۱ـ طلوع لومړنی تلويزيون دی چې شينواري يي ناموس پلورونکي وبلل.
۱۲ـ طلوع لومړنی تلویزيون دی چې د افغانستان د تجزيي غږ يي پورته کړ.
۱۳ـ طلوع لومړنی تلویزيون دی چې په شخصيتونو مخامخ ملنډې وهي.
۱۴ـ طلوع لومړنی تلویزيون دی چې هر خبر يي د خاصې اجنډا له مخې وي.
۱۵ـ طلوع لومړنی تلویزيون دی چې هېڅ اذان پکې نه خپريږي.
۱۶ـ طلوع لومړنی تلویزيون دی چې يوازې په روژه کې هم آذان ته سپانسر او پروژه لټوي.
۱۷ـ طلوع لومړنی تلویزيون دی چې نور افغانان ورته وژل شوي؛ خو خپل ورته شهيدان ښکاري.
۱۸ـ طلوع لومړنی تلويزيون دی چې حکومت، نظام او د ټاکنو په څير سترې پروژې سبوتاژ کوي.
۱۹ـ طلوع لومړنی تلویزيون دی چې يوازې يو قوم يا يوې ژبې ته افراطي عقدې ورپيچکاري کوي.
۲۰ـ او طلوع لومړنی تلویزيون دی چې په افغانستان کې د افغانستان پر ضد ښکاره خپرونې کوي.
نو برنيو شلو دلايلو ته په کتلو سره خو تر طالبانو مخکې يي بايد په کراره شته حکومت چې ځان د بيان د ازادۍ ټيکه دار بولي دفتر تړلی وی، جواز يی لغوه شوی وی او نور يي افغاني ټولنه له شره بې غمه شوې وی؛ خو حکومت ځکه نشوای کولای چې په طلوع کې ناست ببر څټي امریکايان، اسراييليان او بريټانيويان هغه څوک وو چې د حکومت د وزیر، ریيس او ولسمشر معاشونه او لګښتونه همدوی ورکول.
منو چې ددې ټلویزيون کارکونکي پکې و وژل شول، که انسانيت ته راشو راځئ ويي غندو؛ خو که طلوع او افغانیت ته راشو بیا خو دا بريد د ستاينې دی ځکه تر دې مخکې تیار خبرداری ورکول شوی دی او نوره اړتيا نه وه چې هره ورځ خبرداري ورکول شوي وی.
بله خبره داده که چیرې انسانيت او افغانيت وي؛ ولې طلوع د شاه شهيد د وحشي بريد له امله خپله ښيښه توره نکړه ولې يي ددې بريد په اړه څېړنې ونکړې؟ ښه مې ياد شي طلوع تل دواړه خواوې وهلي دي، زه د قومي تعصب له مخې نه بلکې د افغاني مينې له مخې دا خبره کوم، د طلوع پيل او بیا يي تر نن پورې هر کار پروژه وو، دوی چې کله د پکتيا مخورو ته د امریکې له لوري جوړ شوی اعلان خپور کړ، د پکتيا خلک يي دووسان وو بلل او ياد اعلان د سوداګريزو هغو په نوم څو ورځې تر کورمې او پاړاچينار پورې په خلکو واوريدل شو، ولې ولس را پورته نشو چې دا ته څه وايي او څوک دا په ثبوث رسولی شي چې داسې دي شوي وي، طلوع چې کله په کندز کې پاک لمنې محصلينې نوم بدې کړې ولې د انسانيت، ښځو او…. مدافعين را پورته نشول چې طلوع دا د کوم بنسټ له مخې، آيا رښتيا هلته شته محصلینو سره داسې زياتی شوی دی کنه، ولې د طلوع تلويزيون هم هغه خبريال ولي آرين او د طلوع اداره محاکمه نشوه، طلوع چې هر سهار د ارمان په نوم راډيو کې له شنبې تر چهارشنبې ولسمشر، وزیر، تاريخ، ارزښت، قومونه او ژبې غندې ولې يوه ورځ اجرايه رياست، ارګ، د اطلاعاتو او فرهنګ وزارت او د بيان د آزادۍ مدافعينو خبرپاڼه ورنکړه چې وروره د بیان ازادي به وي خوانساني کرامت او حرمت هم پرخپل ځای دی.
بل دا چې طلوع چې کله پر يوه ديني ډله او بیا پر داسې يو چا چې دوی عملا د زنا کونکي په دورو وهلي، غلو ته يي سزا ورکړې قاتل نه يي غچ اخیستی دی ددې ناروا کړنې تور لګوی، نو تاسو و وایئ چې مقابل لوري باید څه کړي وای، دلته کیسه بل شی ده، دلته کيسه بل لوري ته بیول کيږي طلوع به اوس له دې لارې ميليونونو ډالره پروژې په يو او بل نوم تر لاسه کړي، حکومت ډير مخکې ورته څو زرهي موټر او څو تنه ساتونکی ورکړي وو، اوس به نو بیا د امريکې د سفارت، يو اس اې آی ډي او اروپايي ټولنې ميليونونو ډالر په بیلابیلو نومونو را سر شي او په پای کې به دوی بیا د افغانيت، انسانيت، اسلاميت او اصولو پر ضد خپرونې پيل کړي.
راځۍ که پر طلوع بريد غندو طلوع هم وغندو، ځکه طلوع هره ورځ ميليونونه انسانان او د دوی افکار وژني؛ خو طالب به يوازې اوو يا اته تنه هغه هم ددې له امله چې پر دوی یو بې اساسه تور لګول شوی و ووژل.
