په قزاقستان کې د « نور استانه »　جومات

جمع و ترتيب : عبد الله صديقي

د(نوراستانه) جامع مسجد ، د قزاقستان په پلازمينه استانه کې موقعیت لري ، چې په منځنۍ آسیا کې تر ټولو ستر جامع جومات ګڼلی کیږي.

د دې مسجد منځنی کنبد ۴۰ متره لوړ والی لري، د کنبد ( ۴۰ متره ) لوړوالي سره د رسول الله صلی الله علیه وسلم بعث (پېغمبرکېدو) ته اشاره شوې، چې په ۴۰ کلنۍ کې د الله تعالی له لورې پېغمبر شو.

 د مسجد تعميراتي اوجوړونې چارې په 2008ز کال کې سرته رسیدلي.

نوموړی مسجد څلور منارې لري ، چې ۶۳ متره اوچتوالی لري او د منارو اوچت والی ؛ ځکه ۶۳ متره غوره شوی ، چې د رسول الله صلی الله علیه وسلم دعمرپای (رحلت) ته اشاره وشي.

ديادونې ده ، چې د ګنبد او د څلورو، واړو منارو سرونه په سرو زرو پوښل شویدي.

په مسجد کې په یو وخت ۴۰۰۰ کسان لمونځ ادا کولی شي.

دمسجد ددروازې سره داوبو یوه لويه فواره ده ، چې د جومات منظره يې لاپسې زړه راښکونکې کړې ده .