راټولونه: عبدالله افغان
۱- د چا مخ ته چې ټیلفون کې خبرې کوئ، ټیلفون مه پر سپیکر کوئ، چې د مقابل کس خبرې نور هم اوري، که مو بیا هم دا کار وکړ؛ مقابل لوری خبروئ، چې ټیلفون پر سپيکر دی او خبرې یې نور هم اوري.
۲- ټیلفون کې د خبرو پر مهال خوراک مه کوئ.
۳- که چا خپله د ټیلفون شمېره درکړه او درته ویې ویل، چې بل چا ته یې مه ورکوه، شمېره
یې امانت وساتئ او هېچا ته یې مه ورکوئ.
۴- ټیلفون کې چې خبرې کوئ، له نورو سره خبرې مه کوئ.
۵- د موټر چلولو پر مهال ټیلفون مه کاروئ او مه مسیج لېږئ.
٦- جومات، کتابتون او غونډو کې ټیلفون کې خبرې مه کوئ.
۷- خپل شخصي مالومات او ځینې پټ رازونه مسیج کې مه لېږئ، هسې نه چې نورو ته لاس پر لاس شي او راز مو افشا شي، همدارنګه کېدای شي ستاسې محرم رازونه د یو چا ټیلفون کې یو وخت ستاسې پر خلاف وکارول شي.
۸- د ټیلفون زنګ مو داسې یو وټاکئ، چې غږ یې نورو ته مزاحمت کوونکی او غموونکی نه وي.
۹- مجلس کې له سختې اړتیا پرته د ټیلفون له کارولو ډډه وکړئ.
۱۰- له اجازې پرته او په پټه د خلکو د شخصي محفلونو او ښادیو عکاسي مه کوئ.
