ډاکټر یوسف اکبري
د وخت شرقی استعمار او د غرب اوسنی استعمار مادرزاده غلامان او د افغان مبارز او مجاهد ولس ابدی دښمنان وپیژنی .
دا دی پر زمونږ هیواد د پخوانی شوروی یرغل څلویښتمه کلیزه ده ، اکثره هیوادوال چه عمرونه یی تر پنځوسو کالو اوښتی ، د هیواد او په هیواد کی د سولی سره په مخالفت مادرزاده دښمنان او بیشرمه پردی پال ګوډاګیان ښه پیژنی.
په داسی حال چه هیواد د ناټو په ظالمانه اشغال دی ، او ورځ تر بلی هیوادوالو ته سپکاوی کوی چه وروستی د درواغو او شرمه ډکو انتخاباتی ډرامی تیاتر یی ښه نمونه ده.
د ساده او عام غولیدلو او ناپوهو هیوادوالو ګیله نشته او معاف دی ، هغه څه چه د پام وړ ده د پخوانی خلق او پرچم غقدوی غړو د غلام غنی په پلوی نڅا او ډمامه ده.
دا چی ولی د پخوانی خلق پرچم ګوند غړی د غلام غنی تر شا پټ شوی دی ، د خدای په توکل او د اخلاقی مسؤلیت ته په کتو به د داسی ناولو نا افغانانو په هکله د نړیوالو رسنیو په حواله معلومات وړاندی کړم. او دا یی شروع ده او ادامه لری.
لاندی مطلب ته ستاسی توجه اړوم.
د افغانستان د ولسمشرۍ ټاکنو په وروستیو دوه پړاوونو کې ۲۰۱۴ او ۲۰۱۹. د خلکو دیموکرات ګوند اکثرو غړو ( د خلق او پرچم څانګه) د محمد اشرف غني د انتخاباتي ټیکټ څخه په جوش او خروش ملاتړ وکړ ، او د ټاکنو له اعلان وروسته ، دغه د خلک دیموکراتیک ګوند غړو ، د غنی بریا ته ، څه په هیواد دننه او څه بهر ( ماسکو) په نڅا او ډمامه شول.
مګر د دې بې بنسټه ملاتړ لاملونه پټ دی. او دا چی د پخواني دیموکرات خلق ګوند غړو د اشرف غني ملاتړ څه د پاره کړی؟ د اوسنی روسیه فدراتیو د یوی رسنی تحلیلګر په لاندی ډول کړی:
د خلکو دیموکراتیک ګوند غړي شاوخوا درې لسیزې د مخه د افغان مبارز ولس لخوا له واک څخه شړل شوی او د افغانستان په سیاسي ډګر ورته په ټیټه سترګه کتل کیږي. دوی په دومره وخت کې لوی زیان سره مخ شوی ، دوی ته سپکاوی شوی، او د تحقیر او کرکی برسیره ملامت شوی هم دی ، او د دوی ځینې مشران یا بندیان شوي ، له دندې ګوښه شوي ، یا بهرنیو هیوادونو ته تښتیدلي دي. له همدې امله ، د دیموکرات ګوند لپاره دا مشکل دي چې یو خپلواک او آزاد غورځنګ رامینځته کړي. د سیاسی فشار لاندې راوستل شوې او داسې یو خالت ته ته رسیدلی چې نشی کولای په افغانستان کې د قدرت لوی ګوندونه وننګوي. له همدې امله پخواني کمونیسټان نا چاره د افغانستان د قدرت د دوو اصلی محورو تر ښا پټ شی.
