کابل ټکی کام (پنجشنبه، ۶ زمری، ۱۴۰۱ل)
د افغانستان دفاع وزارت د بدخشان ولایت د واخان په اړه د خپرو شویو اوازو په تړاو اعلاميه خپره کړې او وايي د ملي دفاع وزارت او ستر درستيز د رهبرۍ په لارښوونه يې سيمې ته پلاوی لیږلی دی.
دفاع وزارت وايي، د ځینو رسنیو او ټولنیزو شبکو د کاروونکو له ادعاوو وروسته، چې ګواکې پاکستاني پوځیان د افغانستان بدخشان ولايت د واخان ولسوالۍ اړوندو سيمو کې مخته راغلي د ملي دفاع وزارت او ستر درستيز د رهبرۍ په لارښوونه د عمر ثالث فرقې، د اتمې سرحدي لوا مسؤلينو او يو شمېر مجا-هد-ينو د وضعیت څیړلو په موخه د واخان، زیباک او اشکاشم ولسوالیو ته ولاړل او هلته یې له سرحدي سيمو او مېشتو مجا-هد-ینو سره لیدنه وکړه.
په اعلاميه کې راغلي، چې ددغه سفر په لړ کې دعمر ثالث فرقې او اتمې سرحدي لوامسوولینو د واخان ولسوالۍ د”بورغيل”کرښې څخه چې دافغانستان او پاکستان تر منځ ګډه پوله ده،لیدنه وکړه اوپه دغو سیمو کې دمېشتو سرحدي ځواکونو نه يې دامنیت ټېنګښت اودهیواد دځمکنۍ بشپړتیا ساتلو او ډاډ حاصلولو په خاطر قدرداني او مننه وکړه.
دفاع وزارت په خپره کړې اعلاميه کې ليکي:«دا مهال د بدخشان او د هېواد نورې سرحدي سیمې او فرضي کرښې د مجا-هد-ینو تر واک لاندې دي او هیڅ ډول ستونزه نه لیدل کیږي.»
دفاع وزارت وايي، چې دفاعي او امنيتي ځواکونه له ګاونډيانو سره ښه ګاونډيتوب ته ژمن دي او د هېواد په خاوره د تېري په صورت کې به له خپلې لوېشت لوېشت خاورې څخه په ميړانه دفاع وکړي.
