شعر/ مهاجر
وطنه ازادي او استقلال دي مبارک شه
پر سر د سترو فتحو زرین شال دي مبارک شه
په غېږکي دي ها لوخونې ناټو شوه دړې وړي
مننه د ننګونو لوړ کمال دي مبارک شه
زما غازی غازي هیواده یو جهان مننه
خوښیو کې څرګند دا نوی حال دي مبارک شه
رښتیا چې تاریخې افغانستان یې راته ګران یې
د سپینې ازادۍ پر ټنډه خال دي مبارک شه
کلک پاته پر دریځ شوې په جهان کې سر بلند شوې
کردار د نام او ننګ او لوړ مرال دي مبارک شه
د لوی احمد شاه کور یې ځکه ګران پر مهاجر یې
در ځار شم در لوګی د فتحو کال دي مبارک شه
#د_اسد۲۴مه
