کابل ټکی کام (جمعه، ۱ تله، ۱۴۰۱ل)
روسیې په لومړي ځل په د اوکراین په جګړه خپلو ځواکونو ته د اوښتې مرګ ژوبلې شمېره اعلان کړه.
د روسيې د دفاع وزیر په خپلو تازه څرګندونو کې ویلي، چې هېواد یې یواځې د اوکراین سره نه بلکې د ټول لویدیځ سره په جګړه کې ده
د روسیې د دفاع وزیر “سرګي شویګو” ویلي، چې د اوکراین په جګړه کې یې ۵۹۳۷ پوځیان وژل شوي دي.
د روسیې د دفاع وزیر چې په پلازمېنه مسکو کې یې د یوې خبري غونډې په ترڅ کې د اوکراین د جګړې په اړه چې د فبرورۍ له ۲۴مې نېټې راهیسې روانه ده، څرګندونې کولې وویل:چې هیواد یې نه یواځې له اوکراین سره بلکې له ټول لویدیځ سره په جګړه کې دی.
شویګو د ولسمشر ولادیمیر پوتین لخوا اوکراین ته د نویو سرتیرو د استولو په اړه ویلي، چې دا پوځیان احتیاطي استول کېږي او د اوس لپاره یې په جګړه کې د ښکیلتیا په اړه څه نه شي ویلی.
