« سرليکنه »
تېرکال ددسمبر په اتمه نيټه ، چې په اسلام آباد « اسيازړه » کنفرانس کې د هند او سيمې د هېوادونو مشرانو پکې برخه واخېسته ، ولسمشر اشرف غني هم پکې په دې هيله ګډون کړی و، چې دپرلپسې ناهيليو ورسته به د سيمې هېوادونه د افغانستان په سوله کې د زړه له تله ګام پورته کړي. په دې کنفرانس کې که څه هم دهند د بهرنيو چارو وزیرې سوشما سوراج دافغانستان دسولې په اړه رسنيو ته ويلي: يوازې په کنفرانس کې يې د پاکستان بلنه منلې وه ؛ خواشرف غني ته د امريکې،چين او پاکستان لخوا ډاډ ورکړل شو، چې وروستۍ غونډې به د تېرو په څېر نه وي او د افغانستان ، سولې ته به د مذاکراتو له ليارې ځان رسوو. په اسلام آباد ، کابل او بيا په اسلام آبادکې غونډې وشوې ، چې د دې مذاکراتو لپاره د امريکا، چپن، پاکستان او افغانستان لخوا څلور اړخيزه کميټه جوړه شوه ، څو ددولت او طالبانو ترمنځ د سولې لپاره مذاکرات پېل شي . داسلام آباد د تېرې اونۍ غونډه د ريمه غونډه وه ، چې پکې ويلي شوي : کوم طالبان چې غواړي په مذاکراتو کې برخه واخلي د هغو طالبانو او افغان دولت ترمنځ به سوله وشي ؛ خوکه کوم طالبان نه غواړي په مذاکراتو کې ګډون وکړي د هغوی په خلاف به جګړه کوو.
دغې يوې خبرې ته فکر پکار دی، چې په تېرو ۱۵کالوکې د امريکا په شمول ۵۲ هېوادونو طالبان مات نه کړل شول او طالبان يې د امريکا د دفاع وزارت په وينا ورک نکړل شول ؛ د څلور اړخيزي کميټې سره کوم نور ځواک شته ، چې طالبان به د هغه ځواک په وسيله دجګړې دلاري له منځه يوسي؟
که امريکا او ورسره د اتحادي ناټو غړو ؛ ملګرو هېوادونو طالبان د جګړې له لیارې له منځه وړلای شوای ؛ هېڅ وخت يې د مذاکراتو يادونه نه کوله اوس چې امريکا په افغانستان کې خپله ماتې ليدلې ، غواړې دجګړې په دوام دهېوادوالو فکر ديته واړوي چې طالبان سوله نه کوي بيا به په افغانستان کې دجګړې پای ته رسيدلی ماموريت پيل کړي، چې په اصل کې امريکاپه افغانستان کې سولې ته نه؛ بلکې د جګړې ددوام لپاره يې څلور اړخيزه کميټه جوړه کړې ده.
د طالبانو لخوا خو چې په قطر کې د سولې لپاره دڅلور اړخېزې کميټې د مخه ليوالتيا ښودل شوې ده ، طالبان سوله کوي او په افغانستان کې د جګړې پای ته رسول غواړي، هغه شرطونه چې په قطرکې دپګواش په غونډه کې يادشوي دي هغه په اصلي مقصدکې دافغانستان دجګړې دپای ته رسيدا شرطونه دي؛ خوامريکا چې کله په يوه اوکله په بله بهانه جګړې ته دام ورکوي اوچين ، پاکستان يې هم له ځانه سره ملګری کړي دي. داسې هېوادونه به هم نور د چين او پاکستان په ژمنواو هلوځلو شکمن شي.
ډاکټر اشرف غني خو داسلام آباد داسيازړه کنفراس کې په دې ګډون کړی و ، چې په راتلونکي کې به د افغانستان دسولې لپاره په صداقت قدمونه پورته شي ؛ خو خبره هاغه زړه ده چې امريکا د سولې په نامه په افغانستان کې د جګړې دوام او خپلو پوځونو ته د دايمي شتون لار برابر وي.
