څو ورځې د مخه د هلمند ولايت د سقوط راپورونه ترلاسه شوي وو، چې په هلمند ولايت کې د څو ولسواليو سقوط د ولايت په سقوط تماميدای شي، چې دا اوس هم که هلمند ولايت سقوط نه دی کړی ؛ خو ولايت ته څيرمه او ځينې لرې پرتې ولسوالۍ له سقوط سره مخ دي ؛خو تېره ورځ دشمال د درې ولايتونو د سقوط راپورونه ورکړل شول، چې په راتلونکي نږدې کې د کندوز، تخار او بدخشان ولايتونو د سقوط انديښنه ديادو ولاياتو نو له چارواکوسره پيدا شوې ده.
په همدې ويره ، چې د شمال دري ولايتونه له سقوط سره مخ کېږې ، په تالقان کې ددولتي او پخوانيوجهادي قوماندانانو يوه لويه غونډه وشوه چې دشمالي ولاياتو دنورو ستونزو دارزونو او په هکله يې دتدابيرو دنيولو ويناوې وشوې ، په دې غونډه کې ديادو ولايتونو اړوند امنيتي ارګانونو يو شمېر مسئولينو او تالقان امنيتي او جهادي قوماندانانو برخه اخېستې وه.
په غونډه کې د ولسمشر د اصلاحاتو او حکومتولۍ په چاروکې ځانګړي استازي احمدضيا مسعود هم برخه واخېسته .
احمد ضيا مسعود دغونډې په سلګونو دولتي ارګانونو ، جهادي قوماندنانو او قومي مشرانو ته په وينا کې وويل ، چې سوله هېڅ وخت باوري نه ده او نه دسولې په تمه خپل وخت ضايع کړئ، يوازې دانه چې سوله به رانشي په رانږدې وخت کې د شمالي د درې ولاياتو ؛ کندز، تخار او بدخشان ، ورپسې د نورو ولايتونو دسقوط په اړه مشورې وکړې ، چې څه کول پکار دي.
له دې څخه څرګنده شوه ، چې د کابل په ارګ کې سولې ته تش تبليغات کېږي، په ولاياتو کې دولتي چارواکې او ټول ولس د امريکې لخوا په سوله باورنه لري .
