غزل/ جانان_خدرخېل
عشق کې دې خاني خدای رانه واخیسته
سمه زندګي خدای رانه واخیسته
زۀ هم ستا د مینې مفکر شومه
روغه باچاهي خدای رانه واخیسته
ږیره کې مې سپین وېښتان راوختل
ګل غوندې ځواني خدای رانه واخیسته
زۀ دې یارانې په غم ککړ کړمه
شېخ شومه، شوخي خدای رانه واخیسته
زۀ لکه بندي مرغۀ قفس کې بند
سیال سره سیالي خدای رانه واخیسته
اوس به د “جانان” لوفري ووینې
لاړه بزرګي خدای رانه واخیسته
۱۴۰۱/۵/۱
کابل ټکی کام یوه ازاده او خپلواکه وېبپاڼه ده
په کابل ټکی کام کې نشر شوي لیکنې او تبصرې یوازي د لیکوالو نظر څرګندوي، زموږ د ویبپاڼې توافق ورسره شرط نه دی .
-----------------------------------
Kabull.com is an independent news
website in Afghanistan
Commentaries and articles published here, represent the views of their authors solely. They do not reflect the editorial policy of the website
زموږ بريښنالیک ادرس
kabullnews@gmail.com
