له د وو اونيو را په دېخوا په بغلان کې د برېښنا د ستنو تر وېجاړيدو ورسته ددولتي ځواکونو او طالب وسله والو ترمنځ سختې جګړې روانې دي .
د ډنډغوري او خواو شا اوسيدونکي وايي ، چې پر مونږ ددري لورو د درنو وسلو او توپونو ډزې کېږي او تردې چې زمونږ کورونه ويشتل کېږي.
په کابل ښارکې يوې مطبوعاتي غونډې ته دبغلان، قومي مشرانو، د خپلو ولسي وګړو بې ځايه کيدو او په دې واورين ژمي کې د ماشومانو او ښځو دتريخ ژوند په اړه وويل: مونږ له ډيرې بدې ورځې خپلو کورونو پريښودو ته مجبورشو ، چې تر ۱۴۰ زياتې ښځې ، ماشومان او سپين ږيري، مو د دولتي پوځونو او طالب وسله والو ترمنځ په جګړوکې شهيدان شول او تر ۴۵۰ پورې مو ولسي وګړي ژوبل شوي دي.
د بغلان قومي مشرانو ويلي : زمونږ د ولسي وګړو وژنې او ژوبلې ټولې ددولتي پوځونو په خپل سرو ډزو سره شوي دی او کومو کورونوکې چې مرمۍ لګيدلي هغه په بشپړ توګه ويجاړ شوي .
قومي مشرانو ويلي: تر ۳۰۰ پورې کورنۍ دمرکزي بغلان ، زاړه بغلان او خواوشا سيمو کورونو پر يښودوته مجبور شوي دي او کيدای شي که جګړه روانه وي نو ر کورو نه هم بې ځايه شي .
دډنډغوري دجګړې په اړه چې تر اوسه لا دولتي ځواکونو سيمه نه ده نيولې او د برق پایي په هغه شکل ويجاړي دي.
د دې سيمو څخه د شل زرو کورونو د بې ځايه کيدو راپورونه ورکل شوي او انديښنه ده ، چې نوره به هم زيات شي.
